Ағзада йод тапшылығы туындаса…

Тәулігіне 6 грамм йодталған тұз сізді йод тапшылығы ауруларынан қорғайды. Қалай? Қазақстанда йод тапшылығы ауруларының проблемасына ерекше назар аударылады. Йод тапшылығы ауруларының алдын алу мақсатында тамақ өнімдерін өндіру объектілеріне қойылатын санитариялық қағидаларға сәйкес объектілерде йодталмаған тұзды пайдалануға жол берілмейді. Сондай-ақ, қоғамдық тамақтану объектілеріне қойылатын санитариялық талаптарға сәйкес ұннан жасалған, аспаздық және кондитерлік өнімдерді дайындау кезінде йодталған ас тұзы міндетті түрде пайдаланылуы тиіс.
Жамбыл облысы азаматтарын ағза­дағы йод тапшылығы мәселесі де толғандыратын өңірлердің бірі. Аудандық санитариялық-эпиде­мио­логиялық бақылау басқармасының маман­дары өңірде сатылатын тұздағы йодтың құрамына тұрақты мониторинг жүргізеді. Жыл басынан бастап санитариялық-эпидемиологиялық сараптама нәтижелері бойынша 1 сынамада йод концентрациясының сәйкессіздігі анықталған жоқ.
Анықтама ретінде: йод тапшы­лығы аурулары – организмге йодтың жет­кі­ліксіз түсуіне байланысты қал­қанша безінің функциясының бұ­­зы­луына байланысты ағзаның па­толо­гиялық жағдайы, бұл балалар­дың интеллектуалды дамуының кешеуілдеуіне, туа біткен дефор­мациялардың жиілігінің жоғарылауына, нәресте өлімінің жоғарылауына, неврологиялық бұзылуларға (көру және есту нервтерінің зақымдануы) әкеледі. Йод тапшылығының алғашқы белгілеріне есте сақтау қабілетінің на­шар­лауы, шаршағыштық, ұйқышылдық және т.б. жәйттар жатады. Бұл белгілердің пайда болуы эндокринолог-дәрігерге жүгінуге се­беп болады.Йод тапшылығы жағдай­ларының алдын алуды қолжетімді және қолайлы әдіспен сапалы йодталған тұзды, тамақ өнімдерін күнделікті тұтыну арқылы шешуге болатындығы дәлелденді. Йодтың ең жоғары концентрациясы теңіз балықтары мен теңіз өнімдерінде болады (800 — 1000 мкг/кг), әсіресе йодқа бай теңіз балдырлары. Олардың ішіндегі ең танымалы-теңіз қырыққабаты (балдыр). Балық майындада йод өте көп.Тәулігіне 6 грамнан аспайтын мөлшерде йодталған тұзды (йод мөлшері 40 мг/кг тұз) күнделікті тұтыну арқылы адам ағзасының күнделікті физиологиялық қажеттілігін өмірлік маңызды микроэлементтермен қанағаттандырады.

А.Әміржанқызы,
аудандық санитариялық-эпидемиологиялық бақылау басқармасының бас маманы.

Поделиться ссылкой: