Көп асқанға бір тосқан

596 Views

Сәуір айында өткен Ішкі істер министрлігінің ке­ңей­тіл­ген алқа отырысында Пре­зидент Қасым-Жомарт Тоқаев «Полицияның жұмысы қо­ғамның жіті назарында. Сіз­дердің қызметтеріңіз ел аза­маттарының мүдделерімен және қауіпсіздігімен тығыз бай­ланысты. Сондықтан, Ішкі істер министрлігінің жұмы­сы айқын әрі жүйелі болуы керек. Полиция ашық болуы тиіс. Бұл үшін халықпен ты­ғыз байланыс қажет. Осы мақ­сатта біз Елбасы бастаған құқық қорғау жүйесіндегі реформаны жалғастырамыз. Ре­форманың негізгі міндеті – қазақстандықтардың құқық­тарын қорғау ісін мүлтіксіз қам­тамасыз ету» деген бола­тын.
Жиында еліміздегі ұрлық-қар­лықтың күн санап артып ке­ле жатқандығы мен өзге де ауыр қылмыстардың деңгейі тө­мендемей тұрғаны сөз болды. Ұр­лықтың көбейгенін елдің бәрі растайды. Оны аудандық поли­ция бөлімі де жоққа шығар­майды. Өткен жылмен салыс­тыр­ғанда ұрлыққа қатысты қыл­мыстар саны үш есеге өс­кен. Ауыр дене жарақатын салу фактісі екі есеге көбейген. Бұрын­дары тұрғындардың бірді-екілі уақ малы қолды болатын. «Бұзау ұрлаған өгізді де ұрлай­ды» демекші, қазір елдің ірілі-ұсақ­ты бар малы бір түнде ұрла­нып, жер сипап қалады. Бір емес, екі емес, бірнеше мәрте ұрлана берген соң, ұрлығына көнсе де қорлығына көнбеген қарапайым халық полицияға арызданады. «Мал ашуы – жан ашуы» емес пе, жоғалған малы табылып, ұрының жолы кесілгенін қалайды. Табылса игі, табылмаса полицияға деген сенім сетінейді.
«Полицияға қойылатын не­гізгі талап – тиімді жұмыс. Ал оның тиімділігін бағалаудағы басты шарт – халық сенімі» деген мемлекет басшысы Ішкі істер ми­нистрі Е.Тұрғымбаевтың есебін тыңдап, бірқатар тапсырмалар жүктеген еді. Бүгінде аудандық полиция бөлімі халықпен тығыз байланыс орнатып, тиімді жұ­мыс қағидасына көшкен. Енді әр апта сайын аудандық полиция бө­лімінің барлық жеке құрамы жұ­мылып, локальдік іс-шаралар өт­кізбек. «Құқықтық тәртіпті сақ­тау, қоғамдық орындарда қылмыстың алдын-алу мен жолын кесу жұмыстары жүргізіледі. Базар, вокзал секілді халық көп жүретін қоғам­дық орындар, түнгі барлар, ком­мерциялық киосктермен криминалдық бағыттағы іздеуде жүрген адамдардың баруы мүмкін аумақтың барлығын жете тексеру ұйымдастырылады. Іс-шара барысында ұсталған аза­маттар тексеру үшін ау­дандық полиция бөліміне жет­­кізіледі. Қажет болған жағ­­­дайда күдік тудыратын адам­­дарды дактилоскопиялау және криминалистикалық есеп­ке алынып, олардың бұрын жа­сал­ған қылмыстарға қатысы бар-жоғы анықталады. Салық ор­гандарында тіркелмей, өз үй­­лерін жалға берушілерді анық­тап, есепке алу үшін ау­дан­дық мемлекеттік кірістер бас­қармасына жолданады. Көшелер мен қоғамдық орын­дарда мас күйінде жүргендер де жауапкершіліктен құтылмайды.
Аталған деректерге қарағанда полицияның жұмысы жанданып, белсенділігі артатын секілді. Жұмыс жанданса, қылмыс қысқарады. Себебі, қашан да алушыны аңдушы жеңген. Көп асқанға бір тосқан болары анық. Десек те, «Ұры ұрлығын қойса да, ұры аты қалмайды». Үйдегі тәрбиеге жауапты – өзіміз.

Мереке Ержанұлы.

Поделиться ссылкой: