Бекзаттың берекелі тірлігі көпке үлгі

412 Views

Астық өнімдерінің ішіндегі тау­қыметі зор, жұмысы күрделі дақыл­дар­дың бірі – қызылша. Бұл өнімнің көп күтімді қажет ететіндігін білікті агро­номдар да айтып жүр. Яғни, біздің айтайын деген ойымыздың ұшқыны мынау еді. Қызылша егуді қолға алған кәсіпкерге еңбекқорлықпен қоса, те­мір­дей төзімді болған жөн. Өкінішке орай, біздің отандастарымызда барлығы кері­сінше болып жатады. Көптеген шаруа қожалық жетекшілерінің қызылшаны егуге аса бір ықылас танытпауының не­­гізгі сыры осында болса керек.
Өңірімізге Асқар Мырзахметов әкім болып келгелі шатқаяқтап тұрған осы саладағы көптеген мәселелер өз ше­ші­мін табуда. Жасыратын несі бар, Асқар Исабекұлы басшылық тізгінді ұс­тағанға дейін тәтті түбір егу жайын кәсіп­керлеріміз ұмыта бастаған секілді ма деуші едік. Жоқ. Олай емес екен. Ен­деше, сіздерге ұғынықты болу үшін әң­гіменің әлқиссасын әуелден бастап жазайық.
«Бақдәулет» шаруа қожалығы – Көк­дөнен ауылындағы іргелі ұжымның біре­гейі. Жалпы, қожалық жетекшісі Бекзат Сәр­себаев ағамыздың кәсібінде қатып қал­ған қағида жоқ. Ол кісі кәсібінің жан-жақты дамығанын қалайды. Өзі мал шаруашылығымен де айналысады. Биыл аталмыш қожалық 10 гектар алқапқа фран­цуздың «Тиссерин» тұқымды қызыл­ша өнімін егіп отыр.
Жақында біз Көкдөнен ауылдық округі­нің әкімі Төлеген Атабаевпен бірге «Бақдәулет» шаруа қожалығының егіс алқа­бы­на бардық. Жап-жасыл болып жай­қа­лып өскен тәтті түбір көз жанарын бау­райды. Әсіресе, егіс алқабындағы қызу еңбектің қарқынына дән риза бол­дық. Әңгіме барысында Бекзат Сәрсе­баевқа кезінде аудан аумағында 1000-2000 гектар алқапқа дейін қызылша өнімі егілгендігін айтып, сұрақ қойдық.
Ол өз кезегінде бұл сұрақтың орынды қойыл­ғанын және осы мәселе бойынша ауда­нымызда бүгінгі таңда көптеген ша­руалар атқарылып жатқандығын, соның нәтижесінде кәсіпкерлеріміздің қы­зылша өнімін егуге ықыластары арт­қанын тілге тиек етті.
Ал «Қызылша егіп, оның пайдасын көре алдыңыз ба?» деген сұрағымызға:
– «Жығылған күреске тоймайды» дей ме атам қазақ.Тәтті түбірді биыл 4-ші жыл қатарынан егіп келемін. Алғаш­қы екі жылда шығынға баттық. Оны жа­сыр­маймын. Былтыр 300 центнерден өнім алдық. Әрине, бұл кезіндегі көр­сеткіштермен салыстырғанда сәл төмендеу болар. Алайда, кәсіпте бар­лы­ғы ықтимал. Есесіне, өзіңіз байқап отыр­ғандай, биыл қызылшаға қазақша айт­қан­да «қарық» боламыз деп отырмыз. Осы­ның барлығы бір үйдің баласындай ең­бек етіп жатқан ауылдастарымның ар­қасы. 10-ға жуық адам жұмыс жа­сайды. Күндігіне 2000 теңгеден үлес­ті­ремін. Жанымда тұрған Дәурен Олжа­баев есімді азамат. Ол күндіз-түні осы алқаптың басында. Өнімді түн­де суғарады. Еңбегін бағалаймыз бұйырт­са. Ауыл әкіміне де ризамыз. Өзі­нің білімділігімен, алғырлығымен іс­кер басшы екенін дәлелдей білді. Бас­қа не деуге болады. Күз айында осы алқап басында сіздермен көтеріңкі көңіл-күйде жолыққанша деймін,-деді «Бақдәулет» шаруа қожалығының же­тек­шісі.

Марат Диханбай.

Поделиться ссылкой: