Мәртебелі мамандық

647 Views

«Педа­гог мәртебесі» туралы заңды оқығанда

Адам баласының жүрегінде қадір тұтып, құрметтейтін екі ұғым болса, соның бірі- Ұстаз. Ұстазға қандай құрмет көрсетсең де жарасады, өйткені ол ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұ­мысшы да, егін салған диқан да, мал бағып терін төккен шопан да, космосты бағындырған ғарыш­кер де бәрі – бәрі ұстаздан бі­лім, тәлім алған, сондықтан ұла­ғатты ұстаздарға бүкіл адам бала­сы құрметпен бас иеді. Осы тұс­та жыл бойы талқыға түскен «Педа­гог мәртебесі» туралы Заңның қабыл­дануы- барша ұстаздар қауымын қуанышқа бөледі.
Негізі, құжат төрт бағыт­ты қамтиды. Бірінші, ұстаз­дың құқығын қорғап, артық жүк­те­меден босатуды көз­дей­ді. Екін­шісі, мұғалімнің қызметіне қойы­латын талапты күшейту мәселесі қаралған. Үшіншісі, материалдық емес ынталандыру тетіктері бол­са, соңғысында материалдық тұрғыдан көтермелеу шаралары қа­ралған. Заң ұстаздар қауы­мы­ның жеке дамуына және жалпы оқу процесін жетіл­ді­руге мол мүмкіндіктер бе­реді. Олар қағаз­бастылықтан арылып, тек өз мін­дет­терімен айналысады. Ал мұға­лімдерді фунционалды қызметіне жат­пайтын жұмыстарға заңсыз тарт­қан тұлғаларға 20-дан 120-ға дейінгі айлық есептік көр­сеткіш айыппұл салынады. Ұс­таз­дың ар-намысына ти­ген азаматтар әкімшілік жауап­кершілікке тартылады. Оқушы­лар тарапынан өрескел қылық көр­сетілсе, ата-анасы жауап бере­тін болады.
Заңда көзделгендей, Халық­аралық олимпиада, түрлі байқау және спорт жарыстарының же­ңімпазын әзірлеген мұғалімге үш ең­бекақы мөлшерінде сыйақы беру, ауылдық жерде тұратын мұ­ғалімдерге жер телімін алуда ба­сымдық беру, қосымша білім беру мен мектепке дейінгі меке­мелердің педагогтарының ке­зекті еңбек демалысын 42 күн­нен 56 күнге жеткізу, сайлау нау­қанына қатысқысы келген мұға­лімдерді сабақтан босатып, ақша төлеу баптары — ұстаз бе­де­лін арттыруға өз септігін тигі­зе­тініне сенімім мол. Әйтсе де, Заң жобасын талқылау кезінде көп­шілік ұстаздардың қолдауын тап­қан 25 жылдан артық педа­гогикалық қызметте жүрген ұс­таздарды аттестаттаудан бо­сату, 30 жыл педагогикалық ең­бекпен айналысқан педагогқа зей­нетке шығу мүмкіндігін беру туралы баптардың Заңда қарас­ты­рылмағаны өкінішті-ақ.
Тағы бір айтарым, бүгінде мұға­лім мамандығының мәрте­бе­­сін көтеру – бұл ұлттық рұх пен рухани адамгершілік тәр­­биенің рөлін көтерумен тең. Сондықтан бұл жасалып жат­қан игілікті іс қоғамдағы мұғалімнің мәртебесін көтеруге өз септігін тигізері сөзсіз. Ал, ұстаздар қауымы да өз ретінде педа­гогикалық әдепті сақтап, өз білімін ұдайы жетілдіріп, шәкірт­теріне, қоғамға үлгі бола­тындай қызмет істеп, «Ұстаз» де­ген ардақты атқа лайық болу­ды мақсат тұту керек деп есеп­теймін.

А.Баймұратова,
аудандық білім беру қызметкерлері кәсіподағы комитетінің төрайымы.

Поделиться ссылкой: