Жұмыс жүйелі болса, табысқа жеткізеді

436 Views

Өткен сенбіде ауданымызға арнайы келген облыс әкімінің орынбасары Мұратхан Шү­кеев­тің жұмыс сапары Ақыртөбе ауылындағы «Ақыртөбе ор­ман­дарды және жануарлар дү­ниесін қорғау жөніндегі» ком­муналдық мемлекеттік меке­ме­сінен басталды. Аталмыш ме­кеме қызметкерлерінің жа­сап жатқан жұмысы көңіл көн­шітеді. Алайда, мекеме ғима­ра­ты әбден тозығы жеткен. Соған қа­ра­мас­тан, жұмысшылар тайлы-тұя­ғы­мен бір үйдің баласындай ең­бек етуде. Мекеме басшысы облыс әкімінің орынбасарына осы мәселені айтты. Әңгіме бары­сында Мұратхан Шүкеев бұл мә­селе өзінің қадағалауында бола­тынын жеткізді. Одан соң Мұратхан Жүнісәліұлы Сай­рамбай Дөненбаев жетекшілік жа­сайтын «Шәушен» шаруа қожа­лығының егіс алқабына бас сұқты. Сайрамбай Әліқұл­ұлының туған жеріне жасап жат­қан оңды істерін күллі Алаш жұр­ты біледі.Тіпті, жергілікті ха­лықтың аузында «жомарт Сай­рамбай» атанып кеткен «Шәу­шен» шаруа қожалығы басшы­сы­ның еселі еңбегін еліміздің Тұң­ғыш Президенті-Елбасы Нұр­сұлтан Назарбаевтың өзі жоғары бағалап, оның кеудесіне «Қазақстанның Еңбек Ері» төс­бел­гісін таққаны күллі қазаққа мә­лім екені белгілі.
Дәл қазіргі уақытта ауда­ны­мыз­да көктемгі егіс жұмыстары қызу жүріп жатыр десек болады. Мұ­ратхан Шүкеев іссапар бары­сында «Шәушен» секілді ір­гелі қожалықтың көктемгі егіс жұмыстарына тас түйін да­йын екеніне көз жеткізді. Қа­зақстанның Еңбек Ері Сайрам­бай Дөненбаев облыс әкімінің орынбасарымен тілдесу бары­сында:
– Былтыр егін мол болды. Жа­сы­ратын несі бар, тіпті қамбаға сый­дыра алмадық. Соның бәрі тыным­сыз еңбектің арқасы деп біле­мін. Биыл да қол қусырып қа­рап жатқанымыз жоқ. Құ­дай­ға шүкір, техникамыз жетеді. Өзде­ріңіз білесіздер, қыс мезгілі аса суық болған жоқ өңірімізде. Яғни, қар аз жауды. Бұл егінге кері әсерін тигізбей қоймасы анық. Алайда, жауын жауа түс­се жақсы болар еді. Дана қа­зақ «Сәуір болмай, тәуір бол­майды» деуші еді ғой. Бірақ, адам­ның емес, Алланың дегені бо­лады емес пе? Табиғат-Анаға еш­кімнің әмірі жүрмейді. Еңбек етіп жатырмыз. Жұмысшыларға рах­мет. Былтыр 11700 гектарға арпа және бидай өнімін бас­тыр­сақ, биыл екі өнімді қоса алғанда 5 мың гектарға дән ек­пек ниеттеміз,- деді «Шәушен» ша­руа қожалығының басшысы.

Өз кезегінде Мұратхан Жүніс­әліұлы кәсіп­кердің аудан, тіпті, облыс аумағына жасаған еңбегі ұшан-теңіз екенін айта келіп, ісіне береке тіледі.
Бұдан соң Мұратхан Шү­кеев 9500 гектарға жуық егін еккен Александр Линник басқа­ратын «Луговой жылқы за­уыты» жауапкершілігі шектеулі серік­тестігінің егіс алқабына бас сұғып, аталмыш серіктестік бас­шысымен өзара пікір алмасты.
«Луговой жылқы зауыты» ЖШС күн райының қолайлығына байланысты көктемгі дала жұ­мыс­тарын тіпті ерте бастап кеткен екен. Серіктестік жалпы жиынтық санын есептегенде 405 адамды жұмыспен қамтып отыр. «Луговой жылқы зауыты» ЖШС-нің бас агрономы Дар­хан Қазбековтың айтуынша серіктестік жылдағы үрдіске сай жоғары сортты өнім егуде. Көктемгі егіс науқаны кезінде серіктестік ұжымы кейбір ұсақ шаруа қожалық өкілдері секілді техника жағынан қиыншылық көрмейді. Себебі, бұл серік­тес­тікте техниканың көбі жаңа. Естеріңізде болса, егін ора­тын «Джондир» комбайнын ауда­ны­мызда алғашқылардың бірі болып осы серіктестік сатып алған болатын. Қазір бұл серік­тес­тік ұжымы аталған марканың трак­торы да бар. Одан кейін облыс әкі­мі­нің орынбасары аймақ тұр­ғын­дары­ның табысын арттыру мақса­тында жүзеге асып, пилоттық жоба шеңберінде құрылған «Құмарық тау» ауылшаруашылығы кооперативінің, аудандық тұ­қым зертханасының, Луговой ауылындағы «Wedo Energy» жеке ша­руашылық серіктестігінің және «Луговой ор­ман­дарды және жануарлар дүниесін қор­ғау жө­ніндегі» қоммуналдық мем­ле­кеттік ме­ке­месінің ат­қа­рып жатқан жұмыстарымен та­нысты. Іссапар нәтижесінің қорытындысында Мұратхан Шүкеевтен сұхбат алған едік. Бізге берген сұхбатында облыс әкімінің орынбасары былайша сөз өрбітті.
«Ауа райына байланысты биыл облыс аумағында көк­темгі егіс науқаны 5-7 күнге ерте басталды. Көктемгі дала жұмысының қандай қарқында жүріп жатқанын бақылау үшін арнайы іссапармен Тұрар Рысқұлов ауданына ке­ліп отырмыз. Жалпы облыс бойынша биыл көктемгі егіс науқаны кезінде 479 мың гектар алқапқа егін бастырылады. Оның ішінде 208 мың гектар жаздық масақты да­қылдар, 36 мың гектар көкөніс, 14 мың гектар бау-бақша және 213 мың гектарға мал азығына дайындалатын дақылдар егілетін болады. Ал Тұрар Рысқұлов ауданы 59 мың гектар жерге жаздық масақты дақылдар егуді жоспарлаған. Қазіргі таңда 18 мың гектар жерге егін егілді. Барлық шаруалар бүгінгі таңда көктемгі егіс жұмыстарын жүргізіп жатыр. Мен «Шәушен» шаруа қожалығы мен «Луговой жылқы зауыты» ЖШС-нің науқан кезінде жасап жатқан тірліктерін көзіммен көрдім. Жалпы, атқарылып жатқан жұ­мысқа көңіл толды. Қос ұжымның науқанды уақы­тында аяқтауға толықтай мүм­кіндіктері жетеді. Егер барлығы өз уақытымен орындалса, өнім жақсы болады деген ойдамыз. Сонымен қатар, Құмарық ауылында пилоттық жоба іске асып жатыр. Жоба бойынша біз тиісті кооперативке қаражатты бөлгенбіз. Техника да сатып алынды. Тұқымға, минералдық тыңайтқыштарға, химиялық өңдеуге байланысты қажетті заттардың барлығы да сатып алынды. Құмарыққа да бардым. Кооперативтің жұмысы ойдағыдай іске асып жатыр. Ең бастысы, қазір тұқымға көңіл бөлу керек. Тұқымның репродукциясы жоғары болуы маңызды. Сондай-ақ, ылғалдың жоқтығына байланысты биыл технологияға да өзгерістер енгізу қажет. Уақытылы күздік бидайды тырмалау керек. Өйткені, осы қарекеттің өзі ылғалды сақтауға мүмкіндік береді» деді Мұратхан Шүкеев.

Марат Диханбай.

Поделиться ссылкой: