Келешекке деген сенім мол

253 Views

Президентіміз Қасым-Жомарт Тоқаевтың 1 қыркүйек күнгі «Халық бірлігі және жүйелі реформалар ел өркендеуінің берік негізі» атты халыққа Жолдауы көптің көкейін­де­гі көкейкесті, түйткілді жайттарды ашып айтқан және оны шешу жолдарын белгілеген жолдау болды. Негізгі 7 тараудан тұра­тын маңызды құжаттың әр бөлімінің атқарар жүгі салмақты. Мемлекет басшысы өзінің Жол­дауында қоғам өмірінің әр саласына қатысты ой-пікірлері мен тың идеяларын, ұсыныстары мен тиісті органдарға арналған тапсырмаларын, сонымен бірге өзінің 5 бастамасын ортаға сала келе, көпшіліктің ойындағы сұрақтарға тиянақты әрі қонымды жауап берді деп есептеймін.
Бұл Жолдаудың ең алдымен халықтың мүддесіне бағыталғаны анық. Жолдаудағы 7 бағыт елдің әл-ауқатын дұрыстап, еліміздің дамуына жаңа серпін беретіні де рас. Осы 7 бағыттың әр қайсысы да қарапайым халықтьң ертенің ойлаған шаралар деп айтуға болады.
Былтырдан басталған індет өмір салтымызды өзгертіп, өзгеше өмір сүруге бейімдеді. Алайда, біз пандемия кезінде ұлт болып ұйысқанымызды, ел болып қалыптасқанымыз­ды көрсете біл­дік. Президент Жолдауда ендігі уақытта ауыр пандемиядан, әлем­дік на­рық­тардағы экономикалық күйзелістен және осылардың салдарынан туындаған әлеу­меттік-экономикалық мәселе­лерден кейінгі одан әрі дамудың жолдарына тоқталды.
Өзіміз ауылдық жерде тұрған­дықтан ауыл шарушылығы мә­се­лелеріне баса көңіл бөлетіні­­­міз белгілі. «Ауыл шаруашы­­лы­ғы- эконо­микамыздың қозғау­шы күші» — деп атап өтті Қасым -Жомарт Кемелұлы. Ауыл шаруа­шылығын дамытпай, бәсекеге қаблетті экономика құру мүмкін емес. Жер мәселесі төңірегінде көптеген қаңқу сөздер, алып­қашты әнегімелер де аз еместін. «Жеріміз шетелдіктерге сатыл­майды және жалға берілмейді» деген Президенттің екінші мәрте Жолдауларында мәлімдемесі сенімімізді түпкілікті бекітті десек болады. Ендігі жерде ауыл еңбеккерлеріне жер өзімдікі деп сол жерге барынша жанашырлықпен, жауапкершілікпен қарауымыз қажет деп білемін.
Президент Жолдауында ден­сау­лық сақтау саласын да назардан тыс қалдырмады. Әлемді жайла­ған коронавирус біздің денсаулық сақтау сала­сының жетістіктерімен қатар көптеген кемшіліктерімізді ашып берді, біздің осы қатерлі қауіпке дайын еместігімізді көрсетті. Өткен жылы ковидке қарсы қарапайым дәрі-дәрмек­тер қасқалдақтың қанындай қолжетімсіз болды. Табылса да бағалары аспандап кетті. Бұл біздің фармацевтика өнер­кәсібінің кешеуілдеп қалғаны­ның белгісі деп ұғындық. Сон­дықтан да Мемлекет басшысы бұл салаға ерекше көңіл бөлу керектігін айтып өтті.
Спорт саласының дамуы­на, халықтың спортпен шұғыл­дануына жағдай жасалу қажет­тігін тағы бір тілге тиек етті.
Қасым-Жомарт Тоқаевтың Жолдауының бір бағыты әдет­тегідей мемлекет дамуының негізі болып саналатын білім және ғылым мәселелеріне арналды. Мемлекет басшысы педа­гогтерді әлеуметтік қол­дау шараларының онан әрі жалғастырылатыны, білім беру жүйесі қолжетімді әрі инклюзивті болуы тиістігі туралы айтты. Президент 2025 жылға дейін елімізде 1000 мектеп соғылуын міндеттеді. Осы орайда, мен осы 1000 мектептің тізіміне ауда­ны­мыздан да мектеп кіргізу ке­рек деген ұсынысымды жет­кізгім келеді. Біздің аудан­да Құлан және Луговой ауыл­дарында бүгінгі таңда оқушы­лардың орын тапшылығы бар. Келешекте ол мұнан әрі де өзекті болады. Сондықтан, қа­зір­ден осы мәселені қолға алу қажет деп ойлаймын.
Жолдаудағы тағы бір қуан­тарлық жағдай – сұранысқа ие мамандық бойынша техника­лық және кәсіби білім жүз пайыз тегін берілетіндігі. Жалпы, білім саласы уақыт талабына сай болумен қатар, әрқашан бір адым алда жүріп, тың жаңа­лықтар ұсынуы тиістігіне баса назар аударды.
Қорыта айтқанда, ел Прези­денті Қасым-Жомарт Тоқаевтың кезекті үшінші Жолдауы ел өміріндегі өзекті де көкейкесті мәселелерді көтерген үлкен маңызды құжат болды.

Ә.Тәжіков,
ауданның «Құрметті азаматы», «Отандастар» Жамбыл облыстық қоғамдық бірлестігінің Т.Рысқұлов ауданы бойынша директоры.

Поделиться ссылкой: