38 ViewsКазахстан укрепляет позиции в мировом туризме: строительство Almaty SuperSki вышло в активную фазу Казахстан занял первое место в Центральной Азии по индексу развития путешествий…
Көшбасшы жастар ел үміті
25 Views
Әр елдің болашағы – оның
жастары. Себебі бүгінгі жас
ұрпақ ертең білімді маман,
елге қызмет ететін азамат және
қоғамның белсенді мүшесі
болады. Сондықтан «Көшбасшы
жастар – ел үміті» деген сөздің
мағынасы терең деп ойлаймын.
Елдің дамуы тек үлкендердің
еңбегіне ғана емес, жастардың
біліміне, талпынысына және
жауапкершілігіне де байланысты.
Меніңше, көшбасшы болу –
өзгелерге бұйрық беру немесе
үнемі көптің алдында жүру ғана
емес. Нағыз көшбасшы өз ісіне
жауапкершілікпен қарап, бастаған
жұмысын соңына дейін жеткізеді.
Ол өзгелердің пікірін тыңдай
біледі, қиындыққа кездессе
де мойымай, шешім іздейді.
Көшбасшылық адамның атақдәрежесімен емес, ісімен көрінеді.
Уәдеде тұру, уақытты бағалау,
қателігіңді мойындау, айналаңа
қолдау көрсету – осылардың бәрі
көшбасшыға тән қасиеттер деп
ойлаймын.
Қазіргі жастардың мүмкіндігі мол. Білім алуға, жаңа мамандық
меңгеруге, өз ойын ашық айтуға және
түрлі бастамаларға қатысуға жол
ашық. Интернет арқылы әлемнің әр
түкпіріндегі ақпаратты біліп, жаңа
дағдыларды үйренуге болады. Бірақ
мүмкіндікті дұрыс пайдалану әр
адамның өзіне байланысты. Әлеуметтік
желіге көп уақыт жұмсамай, пайдалы
білім алуға, кітап оқуға, тіл үйренуге
немесе қызығушылығыңа сай іспен
айналысуға болады. Ең бастысы – өзіңе
мақсат қойып, сол мақсатқа жету үшін
күн сайын аз да болса әрекет ету.
Жастардың елге пайдасын тигізуі
міндетті түрде үлкен қызметтен
басталмайды. Өз ауылыңның немесе
қалаңның тазалығына үлес қосу,
қарттарға көмектесу, кішілерге үлгі
болу, қайырымдылық шараларына
қатысу да – маңызды істер. Осындай
қарапайым әрекеттер адамның
бойында жанашырлық пен азаматтық
жауапкершілікті қалыптастырады. Бір
адамның жақсы бастамасы өзгелерге
де әсер етіп, көпке ортақ пайдалы іске
айналуы мүмкін.
Ә р и не , ж а с т а р ды ң а л ды н д а
қиындықтар да бар. Кейде өзіңе
сенімсіздік пайда болады. Бастаған
ісіңді аяқтауға күш жетпей жатады
немесе мақсатыңа бірден жете
алмайсың. Алайда көшбасшы адам
қиындықты сылтау етпей, одан
сабақ алуға тырысады. Қателесу
– тоқтап қалуға себеп емес.
Керісінше, әрбір қадам тәжірибе
жинауға көмектеседі. Өз қабілетіңді
дамыту үшін сабыр, еңбек және
тұрақтылық керек.
М ен е л і м і з д і ң б о л а ш а ғ ы
жастардың қолында екеніне сенемін.
Әр жас өз қабілетін дамытып,
алған білімін ел игілігіне жұмсаса,
Қазақстанның келешегі жарқын
болады. Көшбасшы жастар – тек
ертеңгі күннің үміті емес, бүгінгі
қоғамның да қозғаушы күші.
Сондықтан әрқайсымыз өзімізден
бастап, жауапкершілікпен әрекет
етіп, еліміздің дамуына үлес
қосуымыз керек.
А.АСАН,
«Жастар ресурстық
орталығы» КММ-нің Құлан
ауылдық округінің жастармен
жұмыс жөніндегі маманы.
