Балаларымызды терезеден құлаудан сақтайық!

Соңғы уақытта көп қабатты үйлердің терезесінен және биіктіктен балалар мен жасөспірімдердің жазатайым құлауы жиілеп кетті. Балалардың өз бетінше терезеге шығуы, масақана торларына сүйкенуі, ата-ананың қарауынсыз қалуы – орын алған жағдайлардың себептерінің бірі болып табылады.
Ағымдағы жылдың қаңтар айынан бастап облыс аумағында балалардың терезеден құлауы бойынша 6 қайғылы оқиға (Жамбыл ауданы – 1, Сарысу ауданы – 1, Тараз қаласы — 4) орын алды.
Осыған орай:
ҚҰРМЕТТІ АТА-АНАЛАР! Балалардың терезеден құлап кетуін болдырмау үшін қарапайым, бірақ өмірлік маңызды қауіпсіздік ережелерін есте сақтаңыз!
– ашық терезе немесе балкон жиегіне баланы жақындатпаңыз;
– терезе жабык тұрған кезде де терезенің алдына балаларды шығармаңыз;
– балаларға терезелерді жууға, перделерді ілуге рұқсат етпеңіз.
Жоғарыда аталған ережелерді балконға қатысты да сақтау керек.

Аудандық Төтенше жағдайлар бөлімі.

Поделиться ссылкой: