ЭЦҚ кілтін қалай қайта шығаруға болады?
288 Views
ЭЦҚ қолданылу мерзімі шығарылған күнінен бастап 1 жылды құрайды. Осы мерзім аяқталғанға дейін ЭЦҚ кілтін қайта шығаруға болады.
ЭЦҚ — ны онлайн режимде қайта шығару өте оңай. Қызметті рәсімдеу уақыты 5 минуттан аспайды. Ол үшін:
1) Pki.gov.kz сайтына өтіп, «Жеке кабинетті» таңдаңыз;
2) қолданыстағы ЭЦҚ көмегімен авторизациядан өтіңіз;
3) «ЭЦҚ алу» батырмасын басып, қол қою үшін өз кілтіңізді көрсетіп, «Сақтау» батырмасын басыңыз;
4) пайдаланушы келісімімен танысып, электрондық поштаңыз бен елді мекенді көрсетіңіз. Осы бетте жаңа ЭЦҚ сақтауға арналған орынды көрсетіңіз;
5) «Өтінім беру» батырмасын басып, қолданыстағы ЭЦҚ-мен қол қойыңыз.
6) «Өтінім бойынша тіркеу куәліктері шығарылды» мәртебесі көрсетілетін бетті жаңартып, «Сертификаттарды жүктеу» батырмасын басыңыз.
Аудандық Халыққа қызмет көрсету бөлімі.