«А» вирусты гепатит туралы не білу қажет?

280 Views

«А» вирусты гепатит –бауырды зақымдайтын, сарғаю мен жалпы улану белгілерімен қатар жүретін , жедел басталатын жұқпалы ауру.  «А» вирусты гепатитіне  барлық  жастағы адамдар сезімтал , әсіресе  жастар  арасында иммунитеті жоқ тұлғалар аталған жұқпадан сақталмаған.

  • Жұқпа көзі- науқас адам. Өзінің зәрімен бөлінділері арқылы қоршаған ортаға миллиартаған вирус бөледі.
  • Зақымдану вирус бөліктерінің лас қол, тағамдық заттар мен су арқылы асқазан ішек жолдарына түсуінен басталады . Негізгі берілу жолдары:
  • Тағам арқылы –науқас адамның жеке бас гигиена талаптарын сақтамай жасаған тағам өнімдері, дұрыс термиялық өңделмеген тағам, ласталған қолмен залалданған тағам арқылы жүзеге асады.
  • Тұрмыстық жанасу арқылы лас қол немесе қоршаған орта заттары арқылы жүзеге асады.  Жұқпаның берілу факторлары болып есіктің ұстағыштары, санитарлық-техникалық құралдардың крандары мен ұстағыштары, баспалдақтың тіреулері болуы мүмкін. 
  • Су арқылы- вирустарымен залалданған суды ішу , тағам дайындау кезінде пайдалану мен тағам өнімдерін жуу кезінде жүзеге асады.

Аурудың белгілері : вируспен залалдану мен ауру белгілерінің пайда болуы аралығы  4-50 күн аралығында,  науқастың тәбеті бұзылып, оң жак қабырға астында ауру сезімі, жүрек айну, құсу пайда болады. Көп жағдайда ауру тұмау тәрізді басталады: науқастың дене қызуы көтеріліп, мұрынынан су ағу,жөтел, денедегі ауру сезімі болады. Соңғы  7-10 күндері науқастардың  зәрі мен бөлінділері арқылы вирустар сыртқы ортаға шығады.,яғни науқас осы кезеңде қоршаған ортадағы тұлғалар үшін өте қауіпті болады .

     Алдын алу шаралары :

  • Белгісіз су көздерінен суды пайдаланбау, лас су қоймаларында шомылмау, сонымен бірге кәріз сулары келіп ағатын суларда , тығыз қоныстанған жаға жайлардан шомылудан бас тарту;
  • Гигиеналық ережеледі міндетті түрде сақтау , дәретханадан кейін сырттан кіргеннен кейн, тамақ ішер алдында қолды мұқият сабынмен жуу:
  • Өз үйіңізді, аулаңызды, пәтеріңізді таза ұстау;
  • Жеке бас гигена заттары әр адамда жеке болу қажет. Оларды бөтен адамға пайдалануға беруге болмайды;
  • Көкөніс, жеміс- жидектерді міндетті түрде қолданар алдында ағынды суда мұқият жуу;

Жалпы алдын алу шаралары басқа «А»вирусты гепатитіне қарсы арнайы алдын алу шаралары да  белгілі ол-иммундау. Екі рет жасалатын екпе адамды қорғайды. Екпе жұмыстары Қазақстан Республикасының  алдын алу екпелерінің Ұлттық күнтізбесіне сәйкес жүргізіледі.  Қауіп- қатер тобындағы балаларды осы ауруға қарсы егу –өте маңызді  іс.   

Деніңіз сау болсын!

 Н.Муликова,

Жамбыл облысы санитариялық-эпидемиологиялық 

бақылау  департаментінің  басшы  орынбасары.    

Поделиться ссылкой: