МАҚСАТ – ПРОБАЦИЯ ЕСЕБІНДЕ ТҰРҒАН АЗАМАТТАРҒА ҚОЛДАУ КӨРСЕТУ

Жамбыл облысы бойынша ҚАЖД-нің Тұрар Рысқұлов аудандық про­бация қызметінде «Көмек де­меу» үкі­меттік емес ұйымның бастама­сы­мен үкімділерге арналған кездесу ұйым­дастырылды. Іс-шараға аудандық әкім­дік пен жұмыспен қамту  ор­та­лы­­ғының өкілдері қатысты.
Кездесу­дің мақсаты – пробация есебінде тұр­­ған азаматтардың әлеуметтік бейім­­делуіне, еңбекке орналасуына жәрдемдесу және қоғамға қайта оралуына қолдау көрсету. Шара бары­сында қатысушыларға бос жұ­мыс орындары мен мемлекеттік бағдарламалар туралы ақпарат берілді, сон­дай-ақ, мамандар кеңес жүргізді.
Сонымен қатар үкімділер ара­сын­да интеллектуалдық ойын ұйым­дас­тырылып, қатысушылар белсенділік танытты. Ойын қорытындысы бойынша жеңімпаздар ақшалай және тағы да басқа сыйлықтармен марапатталды.
Іс-шара қатысушылардың қызығу­шылығын тудырып, пробация қызметі мен өзге мекемелер арасындағы ынтымақтастықты нығайтуға ықпал етті.

 Т.Рысқұлов аудандық пробация қызметкерлері.

Поделиться ссылкой: