Мұқағали жыры – мәңгілік

Луговой ауылдық мәдениет үйі, ауылдық кітапхана және жастар ресурстық орталығының ауылымыздағы жастар ісі жөніндегі маманының ұйымдастыруымен
қазақтың мұзбалағы, ақиық ақын Мұқағали Мақатаевтың туғанына 95 жыл толуына орай, «Мұқағали – мәңгілік ғұмыр» атты әдеби-поэтикалық кеш ұйымдастырылды.
Әдеби кеш барысында Мұқағали Мақатаевтың өмірі мен шығармашылығы туралы тағылымды мәліметтер айтылып, ақын өлеңдерінен үзінділер оқылды. Қатысушылар жүрекке жылы тиетін рухты жырларды мәнерлеп оқып, поэзия әлеміне терең бойлады. Кеш мазмұнды да әсерлі өтіп, көрермендерге ерекше рухани әсер сыйлады.Іс-шара соңында ақын шығармашылығының мәңгілік екені, оның жырлары ұрпақтан-ұрпаққа жалғаса беретіні айтылып, поэзия кеші жоғары деңгейде қорытындыланды.

Заида Рысқұлова,
Луговой ауылдық мәдениет үйінің меңгерушісі.

Поделиться ссылкой: