Отбасылық зорлық-зомбылықтың алдын алудағы отбасының рөлі

Қазақстан Республикасының Президенті Қасым-Жомарт Тоқаев тұрмыстық зорлық-зомбылықтың алдын алу мәселесіне ерекше назар аударып келеді.
Қазіргі таңда отбасылық зорлық-зомбылық мәселесі әлемдік деңгейдегі өзекті әлеуметтік проблемалардың бірі болып отыр. Зорлық-зомбылық адамның құқықтары мен бостандықтарын бұзып қана қоймай, оның психологиялық, физикалық және әлеуметтік жағдайына кері әсерін тигізеді. Осы мәселенің алдын алуда отбасының рөлі ерекше маңызды.
Отбасылық зорлық-зомбылық – отбасы мүшелерінің бір-біріне қатысты күш көрсетуі, психологиялық қысым жасауы, экономикалық шектеулер қоюы немесе жыныстық сипаттағы мәжбүрлеу әрекеттері.
Зорлық-зомбылықтың негізгі түрлері:
– физикалық зорлық-зомбылық;
– психологиялық зорлық-зомбылық;
– экономикалық зорлық-зомбылық;
– жыныстық зорлық-зомбылық;
– цифрлық бақылау және қудалау.
Көп жағдайда зорлық-зомбылық жасырын түрде орын алып, оның салдары балалардың дамуына, отбасының тұрақтылығына және қоғамдағы әлеуметтік ахуалға теріс әсер етеді.
Отбасында өзара құрмет, сенім, жауапкершілік және қамқорлық сияқты құндылықтар қалыптасқан жағдайда зорлық-зомбылықтың туындау қаупі айтарлықтай төмендейді.
Отбасындағы ашық диалог пен өзара түсіністік көптеген келеңсіз жағдайлардың алдын алады. Отбасы мүшелері бір-бірінің пікірін тыңдап, мәселелерді сабырлы түрде талқылай білуі тиіс.
Даулар мен келіспеушіліктерді күш қолдану арқылы емес, келіссөздер арқылы шешу мәдениеті отбасылық тұрақтылықтың маңызды көрсеткіші болып табылады.
Отбасылық зорлық-зомбылықтың алдын алу ең алдымен отбасының өзінен басталады. Отбасында қалыптасқан мейірімділік, өзара құрмет, сенім мен жауапкершілік қоғамдағы қауіпсіздіктің негізін қалайды. Ата-аналардың дұрыс тәрбиесі, балалардың құқықтарын сақтау және жанжалдарды бейбіт жолмен шешу мәдениеті зорлық-зомбылықтың алдын алудың басты тетіктері болып табылады.
Бақытты отбасы – қауіпсіз қоғамның кепілі. Сондықтан әрбір отбасы мүшесі өзара сыйластық пен түсіністікке негізделген қарым-қатынас қалыптастыруға ұмтылуы қажет.
Қазақ халқы «Отан – отбасынан басталады» деп бекер айтпаған. Берекелі отбасы – бақытты баланың, саналы ұрпақтың және қуатты мемлекеттің кепілі. Сондықтан әрбір шаңырақта сүйіспеншілік пен татулық салтанат құрып, отбасы құндылықтарын сақтау баршамыздың ортақ міндетіміз болып қала береді.
“Т.Рысқұлов ауданы әкімдігінің Отбасын қолдау орталығы” КММ-сі.

Поделиться ссылкой: