Саяси науқанның бағыт-бағдары түсіндірілді

5-ші маусым күні елімізде бүкілхалықтық референдум өтетіндігі белгілі. Осы саяси һәм жауапты науқанға байланысты ҚР Парламенті Сенаты мен Мәжілісінің депутаттары, Орталық референдум комиссиясының өкілдері, көптеген қоғамдық бірлестік жетекшілері аталмыш саяси қадамның «Жаңа Қазақстанды» құруға негіз болатын фактор екенін тілге тиек етіп, халыққа түсіндіру жұмыстарын жүргізіп жатқандығыда баршаға аян.
Сәрсенбі күні Орталық референдум комиссиясының электоралды оқытуын ұйымдастыру бөлім басшысының орынбасары Рыспеков Түсіп Жетенұлы, Жамбыл облыстық референдум комиссиясы төрағасының орынбасары Сара Мадиева ауданымызға арнайы іс-сапармен келіп, сайлау учаскелеріндегі дайындық жұмыстарының деңгейін зерделеді. Өз кезегінде аудандық референдум комиссиясының төрағасы Манарбек Тілепов келген қонақтарға аудандағы сайлау учаскелерінің төрағалары мен төрайымдарына рефе­рен­думды даярлаумен өткізу жұ­мыс­тары егжей-тегжейлі түсіндіріліп, тиіс­ті шаралар атқарылғанын атап өтті.
Түс мезгілінен соң Түсіп Жетенұлы мен Сара Қабылбекқызы Каменка ауылындағы Бауыржан Момышұлы атын­дағы орта мектепте өткен 2022 жылғы 5 маусымға тағайындалған рефе­рендум ұйымдастырушыларын оқыту бойынша семинар-кеңеске қатысты. Аталмыш семинар-кеңесте сайлау мәдениетін арттыру, мүмкіндігі шектеулі жандардың дауыс беруіне жағдай жасау туралы пайымды пікір­лер айтылып, келген қонақтар семинар-кеңеске қатысушылар тарапынан қойылған сұрақтарға дәйекті мысалдармен жауап берді.

Марат Жолдасбекұлы.

Поделиться ссылкой: