ҚАЗАҚСТАН РЕСПУБЛИКАСЫ ҚОРҒАНЫС МИНИСТРЛІГІНІҢ ӘСКЕРИ ОҚУ ОРЫНДАРЫНА 2022 ЖЫЛҒА ТАЛАПКЕРЛЕРДІ ҚАБЫЛДАУ ТӘРТІПТЕРІ

267 Views

Қазақстан Республикасының 2012 жылғы 12 ақпандағы «Әскери қызмет және әскери қызметшілердің мәртебесі туралы» №561-lV Заңының 39 бабына сәйкес, азаматтар Әскери оқу орындарына оқуға түсе алады. Қазақстан Республикасы Қорғаныс министрлігінің әскери оқу орындарына үміткерлерді уақтылы және сапалы жасақтау үшін, әскери оқу орындарына түсетін 17-18 жасқа толған азаматтар Т.Рысқұлов ауданы қорғаныс істері жөніндегі бөлім бастығының атына өтініш береді.
Кешенді тестілеуді (КТ) тапсыратын үміткерлер тұрғылықты мекен-жай бойынша «Азаматтарға арналған үкімет» мемлекеттік корпорациясына қазірден бастап тіркеуге тұру керек. Себебі тестілеуге бір ай қалғанда қабылданбайды.
Әскери оқу орындарының мекен-жайлары:
– ҚР ҚМ Құрлық әскерлері әскери институты, Алматы қаласы;
– ҚР ҚМ Әуе Қорғаныс Күштері әскери институты, Ақтөбе қаласы;
– ҚР ҚМ Радиоэлектроника және байланыс әскери-инженерлік институты, Алматы қаласы;
– ҚР ҚМ Кадет корпусы, Щучинск қаласы.
Сонымен қатар, ер азаматтар және қыздарда шетел мемлекеттерінің әскери оқу орындарына (ӘОО-на) түсу үшін ниет білдіре алады.
– С.М.Киров атындағы Әскери-медициналық академиясы (Санкт-Петербург қ.);
– Ереван мемлекеттік медициналық университет (әскери-медициналық факультет Ереван қ.) және де басқа шетел мемлекетінде әскери оқу орнына түсу үшін құжаттар тізбесін Т.Рысқұлов ауданы қорғаныс істері жөніндегі бөлім ғимаратына әкелулеріңіз тиіс.
Мекен-жай: Құлан ауылы, Жібек жолы көшесі 126 үй.
Тел: 2-14-81, 2-13-53.

Поделиться ссылкой: