Рүстем Дәулет: Құрылыс жұмысы уақтылы аяқталуы тиіс
504 Views
Жамбыл облысы әкімінің орынбасары Дәулет Рүстем Рысбайұлы жұмыс сапарымен ауданымызға келдi.
Жұмыс сапары барысында Рүстем Рысбайұлы ең алдымен «Ауыл – ел бесігі» бағдарламасы аясында Көгершін ауылындағы 8 көшеге жүргізілген асфальт төсеу жұмыстарымен танысып, істелген істің сапасын зерделеді.
Келесі кезекте облыс әкімінің орынбасары Жақсылық және Жаңатұрмыс ауылдарындағы 25 және 15 келушіге арналған дәрігерлік амбулаторияның құрылыс алаңына барды. Рүстем Рысбайұлы мұнда да мердігерге нысанның құрылысын сапалы әрі мерзімінде аяқтау қажеттігін ескертті.
Аймақ басшысының орынбасары жұмыс сапары соңында Қарақыстақ тау шатқалында орналасқан «GoldenCompasCapital» АҚ тау-кен металлургия өндірісінің жұмысымен танысты. Қазіргі таңда «GoldenCompasCapital» АҚ тау-кен металлургия өндірісіне электр желісін тарту жұмыстары жүргізілуде. Облыс әкімінің орынбасары бұл жұмыстардың да сапалы орындалуын бақылауға алуды тапсырды.
Аудан әкімінің баспасөз қызметі.