Іскер Жанадулла

Аудандық орталық аурухананың жалпы тәжі­ри­белік дәрігері Абдиров Жанадулла Барынұлы да Алматы қаласындағы Санжар Асфендияров атындағы Қазақ ұлттық медицина университетінің түлегі. Қазір ол өзінің курстасы Тимур Ильясұлымен бірге бір мекемеде қызмет етеді. Яғни, орталық ауруханада. Раушан Көшер­бек­қызынан Жәкең туралы сұрағанымызда мақтауын келістірді енді. Кейіннен сөйлестік. Айт­са, айтқандай-ақ екен. Білікті дәрігер екендігі әр­бір мақамдап сөйлеген сөзінен көрініп тұрды.
– 2007-2012 жылдары жалпы медицинада, 2012-2014 жылы терапия бойынша интернату­раны оқып бітірдім. Біз жоғары оқу орнында оқып жүрген кезі­мізде мүйізі қарағайдай профессор­лар дәріс бер­ді. «Ауруханаға адам жайдан-жай келмейді. Дерт жанына батқан соң келеді. Әр науқасқа жылы қабақ танытып, оны емдеу дәрігердің мін­деті» дегенді сол кісілердің аузынан талай мәр­те естідік. Яғни, адам өмірі «ойыншық емес» екенін студенттік кезден білдік. Оқыдық. Санаға түйдік. Әр науқаспен сөйлескенде, мен ылғи сол ұстаздарымнан естіген оябы бөлек ордалы сөзді қаперімде ұстаймын. Мамандыққа деген адалдық пен жауапкершілік менің қызметтегі басты принципім, – дейді бірінші санатты жалпы тәжірибелік дәрігер Жанадулла Абдиров.
М.ДИХАНБАЙ.

Поделиться ссылкой: