Тыңда балам ертегі, ертегілер сыр шертеді

484 Views

«Балалар жылына» орай жуырда Көгершін ауылдық кітапханасы­ның кітапханашысы Мархабат Ділдебаеваның ұйымдастыруы­мен «Ақбота» бөбекжай бақшасын­да «Тыңда балам ертегі, ертегілер сыр шертеді» атты ертегілер еліне саяхат өткізілді. Іс-шараның негізгі мақсаты – бүлдіршіндердің ертегілер арқылы танымдық қабілетін дамыту, шығармашылық мүмкіндіктерін ашық көрсетуге дағдыландыру, ойлау жүйесінің белсенділігін арттыру.
Балақайлардың дағдыларын же­тілдірудің төте жолы – кітаптар мен ертегілер. Осыған орай, іс-шарада «Аруна» баспасында жарық көрген классикалық ертегілер жиынтығы, «Ұсқынсыз үйрек балапаны», «Пысық құлан», «Жасырынбақ» ертегілерін­дегі ғажайып бейнелердің баянда­луы балалардың қызығушылығына, ізденімпаздығына әсер еткені анық байқалды.
Жалпы, ертегілер мен әңгімелер­дің мағыналы, жүйелі берілуі бала­қайлардың таным көкжиегін кеңейтуге дұрыс бағыт беруші фактор­лардың бірі. Бала өз санасында қиялға ерік берудің алғашқы баспалдағы да осы ертегі жанрының үлесі деп таныған іс-шараның қорытындысы әдеби бел­гілерді ертегінің төңірегінде үйре­тудің маңызы зор екенін көрсетті.

Балжан Жеңіс.

Поделиться ссылкой: