Аялы алақан, мейірімді жүрек

713 Views

Адамның байлығы да, бақыты да денсаулық! Адам баласы үшін денсаулықтан бағалы нәрсе жоқ екені айтпаса да түсінікті. Әртүрлі жағдайда мүгедек болып қалғандар қаншама? Осындай мүгедектігі бар жандарды көргенде, өмір сүріп жатқан әлемге өкпелеуге құқығымыз жоқ екенін түсінесің. Мұндай балалардың тағдыры мен құқығын қорғау қоғамның міндеті. Аялы алақанымен әлпештеп өсірген баласы ауырып не басқа бір қатер төнгенде «баламның табанына кірген тікен, менің маңдайыма кірсін!» деп тілейтін аналар аман болсын. Әрине, анаңның тілегі мейірімді жүрегінде. Мемлекет басшысы Қасым-Жомарт Кемелұлы Тоқаев мүгедектігі бар адамдар мен отбасыларына ерекше көңіл бөліп, қолдау көрсету керектігін өз Жолдауында атап өткен болатын. Мүгедектігі бар адамдар үнемі күтімді қажет етеді.
Аудан әкімдігі жұмыспен қамту және әлеуметтік бағ­дарламалар бөлімінің үйде қыз­мет көрсету жағдайында арнаулы әлеу­мет­тік қызмет көрсету бөлімшесінің әлеу­меттік мамандары 3 балаға кү­тім көрсетеміз. Қызмет алушыны қам­қорлыққа алу үшін мүгедектіктің абили­тациялау мен оңалтудың жеке бағдарламасында үйде арнаулы қызмет көрсету іс-шарасы көрсетілген құжат болуы қажет. Мүгедектігі бар адамдарға әлеуметік қызмет көрсету, Қазақстан Республикасының Конституциясының «Мүгедектікті әлеуметтік қорғау ту­ралы» заңымен және Қазақстан Респуб­ликасының басқа да нормативтік құқық­тық актілерімен реттеледі. Заң аясында қызмет алушыға аптасына 2 рет әлеуметтік тұрмыстық, медициналық, психологиялық, педагогикалық, мәдени, экономикалық, құқықтық қызметтерін көрсету барысында баланың ақыл ойына, денсаулық жағдайын ескере отырып, күнделікті өмірге, қоршаған ортаға бағыттаймыз. Сонымен қа­тар мереке күндері балаларға жұ­мыс жоспарына сәйкес, мерекелік іс-шаралар ұйымдастырылып, демеу­ші­лердің көмегімен сыйлықтар бері­ле­ді. Луговой ауылдық әкімдігі мүге­дек­тігі бар, бірақ қамқорлықта жоқ отбасы­лар­ға үнемі қайырымдылық көмектер ұйымдас­тырып тұрады. Әр отбасының аялы алақандары мен тербет­кен балаларының дені сау ұрпақ бол­сын дегім келеді. Ең бастысы, біз мүгедек­тігі бар адам да өмірден өз ор­нын табу керектігін ұмытпауымыз керек.

Г.Тлеумбетова,
Луговой ауылдық
округінің әлеуметтік қызметкері.

Поделиться ссылкой: