Елдосымыз жүлдегер
294 Views
Өзбекстан астанасы Ташкент қаласында дзюдодан өтіп жатқан әлем чемпионатында қазақстандық Елдос Сметов қола жүлдегер атанды. Бұған дейін спорттық мансабында басқа атақтарын айтпағанда, екі дүркін олимпиада жүлдегері, әлем чемпионы атанған Елдос Сметов 60 келіге дейінгі салмақта қола жүлде үшін болған бәсекеде өзбекстандық Дильшодбек Баратовпен татамиге шықты.
Тартысты белдесуде қосымша уақытта әдіс қолданып, вазари ұпайын алған Елдос осылайша қоржынға қола медаль салды. Айта кетейік, Рио-де-Жанейро және Токио олимпиадаларының жүлдегері Елдос Сметов Жалпақсаз ауылында дүниеге келген. Жерлесімізді айтулы жүлдесімен құттықтаймыз.