Мұғалімдеріміз марапатталды

Жамбыл облысы әкімдігінің білім басқармасы «Ғылыми-тәжірибелік денешынықтыру орталығының» ұйым­дастыруымен өткен 2022 жылдың об­лыстық және республикалық «Ұлттық мектеп лигасы» бағдарламасының қорытындысында ауданымыздың бірқатар денешынықтыру пәнінің мұғалімдері марапатқа ие болды.
Атап айтсақ, Бауыржан Момышұлы атындағы орта мектептің денешы­нықтыру пәнінің мұғалімі Ынтымақ Жапаров ҚР Оқу-ағарту министрінің Құрмет грамотасымен наградталса, Ақтоған шағын орталықты орта мектебінің денешынықтыру пәнінің мұғалімі Еркін Амангелдиевке ҚР Мәдениет және спорт министрінің Алғыс хаты табыс етілді.
Ал, Ахмет Байтұрсынов атындағы орта мектептің денешынықтыру пәнінің мұғалімі Жансерік Төреқұлов, Ақтоған шағын орталықты орта мектебінің денешынықтыру пәнінің мұғалімі Жандос Мәлтай, Ақыртөбе орта мектебінің денешынықтыру пәнінің мұғалімдері Тұрғын Рахметілдаев, Мадияр Бозбаев, № 5 шағын орталықты орта мектебінің денешынықтыру пәнінің мұғалімі Нұржан Жүнісов жә­не Райымбек Смаилов атындағы орта мектептің денешынықтыру пәні­нің мұғалімі Мұхаметжан Нысанбаевқа Жамбыл облысы әкімдігі білім басқармасының Құрмет грамотасы табыс етілді.

Арнат Маджит,
аудандық білім бөлімінің әдіскері.

Поделиться ссылкой: