Әдеби круиз
649 Views
Ш.Уәлиханов атындағы Жамбыл облыстық әмбебап ғылыми кітапханасының бастамасымен «Бір өңір – бір кітап» акциясы жарияланған болатын. Аудандық орталық кітапхананың ұйымдастыруымен аталмыш акция аясында Кеңес Одағының батыры, жазушы, даңқты әскери қолбасшы, Халық қаhарманы Бауыржан Момышұлының шығармаларын насихаттау мақсатында «Аты аңызға айналған алып тұлға» атты әдеби круиз өткізілді.
Әдеби круизге оқудан қол үзбейтін кітапхананың белсенді әрі тұрақты оқырмандары арнайы шақырылып, қатысты.
Іс-шарада аты аңызға айналған жаужүрек батыр, даңқты қолбасшы, қарымды қаламгер Бауыржан Момышұлының өмірі мен шығармашылығы жан-жақты талқыланып, батыр тұлғаға қатысты қызықты деректер мен өсиет сөздері туралы бейнеролик көрсетілсе, арнайы дайындалған «Тұлғасы тұнған тәлім, есімі елге мәлім – Бауыржан Момышұлы» көрме инсталляциясына шолу жасалды.
Іс-шара барысында Бауыржан Момышұлының өмірі мен шығармашылығына арқау болған «Ұшқан ұя» повесі талқыланып, оқырмандар өз пікірлерімен бөлісті. Осылайша «Аты аңызға айналған алып тұлға» атты әдеби круиз қатысушылары іс-шарадан ерекше әсер алып қайтты. Әдеби круиз өте керемет, әсерлі болды.
Ә.Искакова,
аудандық орталық кітапхананың кітапханашысы.