«Баталар жинағы» кітабы оқырманға жол тартты
520 Views
Жақында аудандық мәдениет үйінің «Рухани жаңғыру» жобалық офисінде жаңа кітаптың тұсаукесер рәсімі өтті. Яғни, аудандық ардагерлер Кеңесінің төрағасы Қожайхан Бижанов жинақтап, құрастырған «Баталар жинағы» кітабын оқырмандар талқылап, жоғары бағасын берді. Аудандық орталық кітапхана қызметкерлерінің ұйымдастыруымен өткен іс-шараға аузы дуалы ақсақалдардан бөлек жалынды жастар да қатысты. Ізгі лебіздер айтылды. Кітапты құрастырған Қожайхан Қазыбайұлы да өз ойымен бөлісіп, жаңа кітаптың мазмұнына тоқталды. Шара соңында «Баталар жинағы» кітабының лентасын аудандық мәслихат төрағасы Ербол Әбутәліпов пен ауданның Құрметті азаматы Райзо Шәділбеков салтанатты түрде қиды. Осылайша құнды әрі кестелі сөзге толы жаңа кітап оқырманға жол тартты.
Әлия Искакова,
аудандық орталық кітапхананың кітапханашысы.