Жақсы жыр – жан азығы

Ш.Уәлиханов атындағы Жам­был облыстық әмбебап ғылыми кітапхана­сының бастамасымен «Бір өңір – бір кітап» акциясын жалғастыру мақ­са­­­тында «Саяхатшы кітап – 2023» эстафета­сын Қайыңды мен Сөге­ті ауылдық кітапханашылары жалғас­тырды.
Қайыңды ауылдық клубында Т.Рыс­құлов ауданының 85 жылдығы және «Бір өңір – бір кітап» акциясы ая­сында жазушы, ақын, журналист Дулат Шалқарбаевтың 100 жылдығына орай «Жақсы жыр – жан азығы» атты поэзия­лық кеш өткізілді. Көп жасап, көпті көрген қарт қаламгердің осынау шығар­машылық мұрасы оқырмандарға рухани шабыт берді.
Кешіміз Қайыңды ауылдық округі­нің әкімі Асанбай Азамат Ниетқұлының құттықтау сөзімен ашылды.Поэзиялық кешімізге кітапхананың тұрақты оқыр­мандары тартылып, іс-шара барысында ақынның жыр шумақтары мәнерлеп оқылды. «Сырғалым», «Ақ қайың» бишілер тобы өнерлерін көрсетсе, Досжан Оспаналиев «Келші Құланға», «Дүние-ай» әндерін айтты. «Асыл дом­быра» күйшілер тобы, Ердәулет Тәжібек қазақтың қара домбыра­сымен күй орындады.
Қайыңды ауылдық ақсақалдар алқа­сының төрағасы Мейірқұл Скендіров жас оқырмандарға «Бар білімнің қайнар көзі – кітап» екендігін айтып өтті.
Ауданның 85 жыл­дығына орай «Аудан шежіресі – тәрбие қазынасы» және Дулат Шалқарбаевтың 100 жылдығына «Өмір өзі сөйлейді» атты кітап көрме инсталляциясына Қайың­ды, Сөгеті кітапханашылары шолу жасады.
Кешіміздің қонағы аудандық орталық­тандырылған кітапханалар жүйесі­нің директоры Айнақұлов Мереке Ержанұлы қорытынды сөз сөйлеп, марапаттар тапсы­рып, келесі «Саяхатшы кітап – 2023» эстафетасы Тереңөзек және Шолақ­қайыңды ауылдық кітапхана­шыларына табысталатынын жеткізді.
Өзі өлсе де, артынан өшпейтін сөз қалдырған Дулат Шалқарбаевқа арнал­ған «Жақсы жыр – жан азығы» атты поэзиялық кешіміз өз деңгейінде өткізілді.

А. Ережепбаева,
Қайыңды ауылдық кітапханасының кітапханашысы.

Поделиться ссылкой: