Жастар – жаңа экономиканың қозғаушы күші

Бүгінде республикамызда мемлекет тарапынан жастар саясатына ерекше көңіл бөлініп, бұл бағытта қаржыландыру көлемі жылдан-жылға артып келеді. Бұл қолдаудан ауыл жастары да құр алақан емес. Жеңілдетілген бағдарламалар арқылы кедергісіз білім алуға жағдай жасау, жастарды жұмыспен қамту жергілікті атқамінерлердің басты жұмыс бағыттарына айналған.

Қазіргі таңда Т.Рысқұлов ауда­нын­да орналасқан 100 жылдық тари­хы бар Құлан агротехникалық жо­ғары колледжінде 550-ден астам сту­дент мемлекет тарапынан қаржы­лан­ды­ры­лып, тегін білім алуда. 12 түрлі кәсіп ие­лерін даярлап шығаратын іргелі оқу ордасы соңғы үлгідегі заманауи құ­рал-жабдықтармен жабдықталған. Колледж­де ветеринария, ақпараттық жүйелер, агрономия, дәнекерлеу ісі, тамақтандыруды ұйымдастыру, электр жабдықтары, тігін өндірісі және киім­дерді үлгілеу, орман шаруашылығы, ет және ет өнімдерін өндіру, сүт және сүт өнімдерін өндіру, балық шаруашылығы, ара өсіру және жібек шаруашылығы сынды мамандық түрлеріне баулитын 57 оқытушы мен 14 өндірістік оқыту шебер­лері бар. Сондай-ақ, аталмыш колледж­де сыйымдылығы 960 орын­дықты құрайтын 2 оқу корпусы, спорт залы, 39 кәсіптік және 10 жалпы пән­дер кабинеті, 11 зертханасы, жеке ветеринарлық клиникасы, сүт, ет өнім­дерін өндіретін және дәнекерлеу цехы, тігін өндірісінің шеберханасы, жал­пы ауданы 0,5 гектарды құрайтын интенсивті бағы, жылыжайы, ауыл­шаруашылық техникасына арналған гаражы, оқу полигоны, 150 орындық асханасы, кітапханасы мен 200-ден астам студентті қамти алатын өз жатақханасы бар. Аталмыш оқу ордасы 2020-2021 жылдары Республикалық «Жас маман» жобасына «Агрономия» және «Электргазымен дәнекерлеуші» мамандықтары бойынша қатысып, осы мамандықтар бойынша WorldSkills талаптарына сай жабдықталды. Аталған мамандықтың студенттері Халықаралық Soprano Group (Финляндия) әзірлеген білім беру бағдарламалары негізінде білім алуда.
Жуырда ауданымыздың әлеуметтік-экономикалық дамуына үлес қосу және түлектерді жұмыспен қамту мақсатында аталған білім ордасында аудан әкімі Ернар Есіркеповтің және колледж әкімшілігінің баста­ма­сымен колледж база­сында түрлі сала мамандары, шаруа қожалық басшылары мен жеке кәсіпкерлердің қатысуымен «Ауылшаруашылығы сала­сының мамандары, қазіргі жағ­дайы және перспективалары» тақы­рыбында аудандық конференция ұйым­дастырылған болатын.
Конференция барысында Құлан агротехникалық жоғары колледжінің директоры Олжас Мұсақұлов колледжде атқа­рылып жатқан жұмыстарды тізбек­теп, «колледж түлектерін жұмыспен қамтуға аудандағы шаруа қожалықтар да атсалысса…» деген өтінішін жеткізген болатын. Бұл бастаманы аудан әкім­шілігі мен аудан кәсіпкерлері қолдап, үш жақты меморандумға қол қойылды. Жастарды жұмыспен қамтуға бағыт­талған меморандум болашақта ауда­нымыздың экономикасын көтеруде өз ықпалын тигізері анық.
Қазіргі уақытта жастарға деген қам­­қорлық барлық салада көрініс табуда. Елімізде қабылданып жатқан мемлекеттік бағдарламаларда жас­тардың рөлі мен белсенділігіне айрықша мән берілген. Ендеше, біздің түлектеріміз де мемлекетіміздің өркендеуі мен жарқын болашағы жолында жастық жалынымен, ерік-жігерімен, аянбай еңбек етіп, ел үмітін ақтайды деген сенімдеміз.

Р.Ташыбаева,
Құлан агротехникалық жоғары колледжі директорының оқу-өндірістік жұмысы жөніндегі орынбасары.

Поделиться ссылкой: