Көгершін ауылдық округі әкімінің лауазымына кандидат болып тіркелген Бағылбеков Ернар Жанатұлының өмірбаяны мен сайлауалды бағдарламасы

Көгершін ауылдық округі әкімінің лауазымына кандидат болып тіркелген Бағылбеков Ернар Жанатұлының
өмірбаяны мен сайлауалды бағдарламасы

Өмірбаяны
Бағылбеков Ернар Жанатұлы 1990 жылы 1 мамырда дүниеге келген. 2011 жылы Т.Рысқұлов атындағы Қазақ экономикалық университетін «Экономика, бухгалтерлік есеп және аудит» мамандығы бойынша бітірген. Білімі – жоғары.
Ернар Жанатұлы өз еңбек жолын 2011 жылы «Kaspi Bank» АҚ-да несие беруші болып бастаған. Әр жылдары «Еуразиялық банк» және «Азиялық несие қорында» еңбек етіп, қаржылық кеңесші, талдау, болжам мен бағалау, бизнесті дамыту бөлімдерінде қызмет еткен. Ал 2017 жылы Т.Рысқұлов ауданы әкімдігі ішкі саясат бөлімінің бас маманы болып жұмысқа орналасқан. 2020 жылы Т.Рысқұлов ауданы әкімдігі жұмыспен қамту және әлеуметтік бағдарламалар бөлімінің есеп және қаржы секторының меңгерушісі болып тағайындалды.
2021 жылдың қазан айынан бастап бүгінгі күнге дейін Т.Рысқұлов аудан әкімдігі сәулет, қала құрылысы және құрылыс бөлімінің басшысы қызметін атқарып келеді.

Сайлауалды бағдарламасы

Мен, Бағылбеков Ернар Жанатұлы Көгершін ауылдық округі әкімінің лауазымына тағайындалған жағдайда, осы күнге дейін алған білімімді және өмірден жинақтаған іс-тәжірибемді қолдана отырып, округ тұрғындарының әл-ауқатын, тұрмыс-тіршілігін жақ­сарту үшін және шаруашылық құры­лымдарының экономикалық тұрғыда нығаюына барынша күш жұмсаймын.
Ауылдық округтің әлеуметтік- эконо­микалық және көкейтесті мәселелерін шешу мақсатында аз қамтылған отбасы­ларды әлеуметтік тұрғыдан қолдау, жұмыссыздық деңгейін азай­ту, тұрғындардың күнделікті тұрмыс­тық жағдайларын жақсарту, сәтсіз отбасылардың болмауын, ауыл шаруа­шылық құрылымдарының санын көбей­ту, ауыл тұрғындарының қазіргі кезде мемлекет тарапынан бөлініп жатқан қолдауларды пайдалануына мүм­кіндік беретін жұмыстарды атқа­ратын боламын. Сондай-ақ, шағын және орта бизнестің дамуына, шаруа қожалықтарының толыққанды жұ­мыс істеуіне, оларға субсидия және несиеге қол жеткізу жөнінде тү­сін­діру жұмыстарын жүргіземін. Ауыл­дың қабілетті жастарына қолдау көрсете отырып, олардың қоғамдық-саяси өмірге белсенді араласуына жағдай жасап, мәдени шараларды уақтылы, ұлттық салт-дәстүрге сай, жаңа технологиялық үрдісте өтілуін жүйелі жоспарға енгізе отырып, жұмыстар жасайтын боламын. Ауыл тұрғындарының мұң-мұқтаждарын қорғап, Сіздердің үлкен сенімдеріңізге ие бола отырып, бар күш-жігерімді саламын.

Құрметті ауыл тұрғындары!

Мен Көгершін ауылдық округінің әкімі ретінде сайланатын болсам, 2025 жылға дейін тұрғындарды сапалы ауыз сумен қамтамасыз ету мақсатында су имаратына жаңғырту жұмыстарын жүр­гізуге атсалысамын. Ауылдағы тау суының салдарынан бұзылған немесе пайда болған көшелердегі шұң­қырларды жамау жұмыстарын жүргі­земін. Осы үстіміздегі жылы ауылымызда дене шынықтыру сауық­­тыру спорт кешені және тоқ­сан орындықты мәдениет клубы тұр­ғындарға есігін айқара ашатын болады. Аталмыш қос нысанның толыққанды жұмыс істеуіне барынша атсалысатын боламын. Сонымен қатар, ауылдағы шағын және орта бизнестің қолданыстағы субъектілердің санын арттыруға ықпал етемін.
2019 жылы басталған ауыл халқы­ның тұрмыстық табысын арттыру үшін берілетін 2,5%-дық жеңілдетілген не­сиені ауыл тұрғындарының алуы­на көмектесемін. Сондай-ақ, ауылдағы жастарды жұмыспен қам­ту, олардың шығармашылық өзін-өзі жүзеге асыруы және оның әлеуетін дамыту үшін қолдау көрсетемін. Көгершін ауылдық округінің жол және көлік инфра­құрылымын, тұрғын үй-коммуналдық саласын жаңғыртуға, сондай-ақ, қолай­лы экологиялық жағдайды сақтауға бағытталған «Ауыл – ел бесігі» жобасы аясында іске асыруға барынша күш саламын.

Құрметті сайлаушылар!
Мен Сіздерді ел ертеңі үшін және де ауылымыздың өсіп-өркендеуі үшін дұрыс таңдау жасайды деген сенімдемін.

Поделиться ссылкой: