Ерекше есімдер

68 Views

Жаңа жыл қар­са­ңында әріптесіміз Ма­рат ДИХАНБАЙ ау­дан аумағындағы ерек­ше есім иелерімен сөйле­сіп, пікірлескен еді. Га­­зе­тіміздің бүгінгі ме­­­ре­келік санында тіл­­ші­міз дайындаған мате­риалды назарларыңызға ұсы­нуды жөн көрдік. 

Құлан ауылдық окру­гінің бас маманы Доло­рес Мұратқызы Қана­тованың есі­мі сирек кез­десетін есімдер са­натын­да. Бұл кісіні сырттай танимыз. Асы­­­­лын­да, Долорес Мұрат­­­қызы Атырау об­­лысы, Махамбет ау­да­ны­­ның тумасы екен. Жал­пы, Батыс өлкесінің ұл­дары мен қыздары қай­сар болып келетіні бар­шамызға белгілі. Мінеки, со­ның бірі – Долорес Қана­това. Ол дүниеге кел­­генде Испания елінің атақты саяси белсендісі Долорес Иборуридің есімі әлемге кеңінен танылып жатқан кез болатын. Соған сәйкестендіріп, әкесі қызының есімін Долорес деп атауды жөн санапты. Яғни, сол секілді батыл, елдің сө­зін сөйлейтін қайсар әрі өжет болсын деген мақсатпен қойса керек. Доло­рес әпкеміздің бойында бұл қасиеттің барлығы бар. Ол осы қасиетімен отбасына қадірлі әрі ұжымға сыйлы. 1986 жылы киелі Құлан жеріне келін болып түскен Долорес Мұратқызы бүгінгі күні ақ жаулықты ана, өнегелі әже атанып отыр. Жалпы, Долорес әпкеміздің еңбек өтілі 30 жылдан асқан. Ал, мемлекеттік қызметте еңбек етіп келе жат­қанына биыл – 18 жыл.

Келесі біздің кейіп­кері­міз – Тұнық Гі­мің­тай. Қайыңды ауы­лындағы Райымбек Смайы­­­лов атындағы орта мектептің түлегін өз басым жете танимын. Шыны керек, мәнерлеп оқудан ұйым­дас­ты­ры­латын аудандық түрлі байқауларда Тұ­нық­қа тең келер оқушы аз болатын. Ол республикалық «Ғұ­мыр­дария» байқауында олжа салған оқушы. Бірақ, Тұнық бұған еш бәлсін­бейтін. Оқуын шыңдап, кері­сінше іздене түскенді ұнататын.
Оның есімін Тұнық деп Сайлаухан апасы қойған екен. Қазақта «Теңіздің тұнықтығын судағы балық білер, кімнің-кім екенін халық білер, халық білмесе Құдай анық білер» деген аталы сөз бар. Яғни, бұл жерде тұнық сөзі таза, теңіз суы секілді мұнтаздай мөлдір, жаны пәк деген ұғымды білдіріп отырғанын ұғуға болады. Тұнықпен ұялы байланыс арқылы сөйлескенімізде, есімінің неліктен осылай аталуының себебін біз болжағандай түсіндіріп берді.

Поделиться ссылкой: