Қазақстанның болашағы – қазақ тілінде
137 Views
Мемлекеттік тіліміз егемен елдігіміздің анық айғағы, қадірлі де қастерлі – ана тіліміз. Тіл ұлттың жаны, қызғыштай қорғайтын асыл қазынасы. Сонау ата-баба дәстүрінен жалғасып келе жатқан қаймағы бұзылмаған мұрамыз. Тіл тек қарым-қатынас құралы ғана емес, ол елдің мәдениеті мен салт-дәстүрін, тарихи тұжырымын қоса айғақтайтын тәуелсіздігіміздің жемісі.
Қазақ тілі – тек қазақ халқының тілі емес, мемлекеттік тіл – ортақ тіліміз. Қазақстанда тұратын, оны елім, жерім деп қабылдайтын, өзін Қазақстанның патриоты деп есептейтін азаматтардың тілі. Елбасымыз айтқандай, «Қазақстанның болашағы – қазақ тілінде». Ендеше, барлығымыз отбасымыз бен ұлтымызды қадірлегендей ана тіліміз болған қазақ тілді солай қадірлеп әрдайым құрмет көрсетейік. Қазақстанның азаматымын деп санайтын әрбір адам мемлекеттік тілді білуі шарт деп ойлаймын. Болашағымыздың жарқын болып, туымыздың көкте желбіреп тұруы да осы қазақ тілімізге тікелей байланысты. Қазақ деген ұлттың бар екенін бүкіл әлемге паш етіп елдігімізді көзіміздің қарасындай сақтап, ұлттық болмысымызды жоғалтпау мына жастар біздің қолымызда. Ол үшін қолдан келгеннің барлығын жасап, қазақ тілінің болашағы үшін аянбай тер төгу азаматтық борышымыз деп қабылдайық.
Тәуелсіз Қазақстанның болашағы – біз, яғни қазақ жастары. Демек, біздің міндетіміз – қазақ тілінің мәртебесін көтеру. Тіл – мемлекеттің тұғырлы тірегі, халықтың рухани байлығы. Тілдің ғұмыры уақыт тәрізді мәңгілік, өткені мен болашағының айқын көрінісі. Қазіргі таңда мемлекетімізде мемлекеттік тілге көшу қарқыны енді іркілмейтін үрдіске ауып барады. Барлық мемлекеттік органдар, мекемелер мемлекеттік тілді дамыту мен қолдануды жүзеге асырып, әртүрлі іс-шаралар өткізу үстінде. Сонымен қатар газет-журналдарда, теледидарда әртүрлі бағдарламаларда мемлекеттік тілдің маңыздылығы туралы аз айтылып жатқан жоқ. Мұның барлығы тіліміздің болашағы үшін атқарылып отырған жұмыс деп айтсақ артық етпес.
Қорыта айтқанда, мемлекеттік тіліміз – қазақ тілінің қашанда жұлдызы жарық, үстемі биік болуына атсалысып әрдайым құрметпен қарау – азаматтық борышымыз деп білейік.
Ж.Қожабекова,
аудандық «Тілдерді оқыту»
бөлімшесінің оқытушысы.