Медиацияның тиімділігі
94 Views
Медиацияның мақсаты – кінәлілерді іздеуге емес, ортақ шешімге келу жолдарын іздестіре отырып, екі тарапты қанағаттандыратын келісілген шешімге қол жеткізу болып табылады. Оның басты қағидаттары – еріктілік, тараптардың тең құқылығы, құпиялылық, медиатордың тәуелсіздігі мен бейтараптылығы, медиация рәсіміне араласуға жол бермеушілігі болып табылады.
Екі жақтың өзара ымыраға келуі көп нәрсені шешеді. Бұл бітімгерлік.Сотқа жүгінудің де қажеті жоқ. Өйткені, медиаторлардың негізгі міндет-мақсаты дау-дамайларды осындай жолдармен шешу болып табылады.
Осы орайда Тұрар Рысқұлов аудандық сотымен 2024 жылдың 6 айында 61 азаматтық іс татуласу келісімін бекітумен аяқталды. Оның ішінде 54 ісі медиациялық келісімді бекіту арқылы, 4 ісі бітімгершілікпен қаралған.
Бүгінгі таңда, аудан бойынша 16 медиация бөлмесі жұмыс жасайды. Ауданда кәсіби емес медиаторлардың, билер кеңесінің тізімдері жасақталды.
Сондай-ақ, аудандық сотта «Татуласу: сотқа дейін, сотта» жобасы аясында «Билер кеңесі» құрылып, бүгінде өз жұмыстарын «Ардагерлер алқасы» ғимаратында бастап, даулардың татуласуына өз септігін тигізуде.
Қазіргі уақытта тараптардың өзара бітімге келіп, істің бейбіт жолмен шешілуінің өзі материалдық тұрғыдан қарағанда оңды және тиімді.
У.Акпанова,
аудандық соттың бас маманы.