ШӨҢГЕР ауылында жаңа су имараты іске қосылды

164 Views

ШӨҢГЕР ауылында  жаңа су имараты іске қосылды

Жаңа жыл мерекесі қарсаңында Құлан ауылдық округіне қарасты Шөңгер ауылында да жаңа су имараты пайдалануға берілді.

Шарапаты мол шараға  аудан әкімінің орын­басары Бақкелді Тұрсынбек пен ауыл тұрғындары қатысты. Мереке қарсаңында іске қосылған бұл нысан ауыл тұрғындарын сапалы әрі тұрақты ауыз сумен қамтамасыз етуге мүмкіндік беріп отыр.

Жаңа ауыз су имараты барлық техникалық талаптарға сай жаб­дық­талып, тіршілік нәрін әр аулаға үздіксіз әрі қауіпсіз жеткізуге мүм­кіндігі бар. Аталмыш жобаның құры­лы­сымен «Темір Строй Сервис» жауап­кершілігі шектеулі серіктестігі айналысқан. Жобаның жалпы құны – 486,5 миллион теңге.

Аталмыш елдімекенде бүгінде 230-ға жуық адам тұрады. Бұл ауыл үшін жаңа су имаратының іске қосылуы жергілікті халықтың күнделікті тұрмы­сын жеңілдетіп, санитарлық жағдайдың жақсаруына айтарлықтай ықпал ететіні айдан анық.

Бұл игі істің жүзеге асқанына ауыл халқы дән риза. Өз кезегінде ауыл жұрт­шылығы да  атқарылған жұмысқа ризашылығын білдіріп, жаңа нысан ел игілігіне ұзақ жылдар қызмет етеді деген сенім білдірді.

 «Құлан медиа» ақпарат.

Поделиться ссылкой: