Жауапты тұлғаларға нақты міндеттер жүктелді

Осы аптада аудан әкімі Ернар Есіркеповтің төрағалығымен аппараттық кеңес өтті. Кеңесте аудан үшін маңызды бірнеше өзекті мәселе жан-жақты қаралды. Атап айтқанда, кәмелет жасына толмағандар арасындағы құқық бұзушылықтың алдын алу, ағымдағы оқу жылының ІІІ тоқсанына дайындық барысы, сондай-ақ, облыс әкімінің аудан тұрғындарымен өткен кездесулерінің қорытындылары талқыланды.

Алғашқы мәселе бойынша аудандық білім бөлімінің сектор меңгерушісі Бауыржан Самылтыров баяндама жа­сап, жасөспірімдер арасындағы құқық бұзушылықтың алдын алу бағы­тында атқарылған жұмыстарға тоқталды. Оның айтуынша, «Қауіпсіз мек­теп» жобасы аясында аудандағы 39 мектептің 9-ы мамандандырылған күзет қызметімен және турникетпен қамтылған. Сонымен қатар 30 мектеп дабыл түймелерімен жабдықталып, аудандық полиция бөлімінің жедел басқару орталығына интеграцияланған.

Балалардың қауіпсіздігін қамта­масыз ету мақсатында мектептерде 544 бейнебақылау камерасы орнатылған. Оның  300-і  ғимарат ішінде, 244-і сырт­қы аумақта орналасқан. Камера­лардың 270-і цифрлық, ал 274-і аналогтық жүйеде жұмыс істейді.

Баяндаманы мұқият тыңдаған аудан басшысы Ернар Серікәліұлы рейд­тік шаралардың санын арттыруды, сондай-ақ, тиісті сала басшыларына да­был түймелері мен бейнебақылау камераларының жұмысын зерделеуді тапсырды. Сонымен қатар балалардың санасында дұрыс құндылықтар қалып­тастыру мақсатында аудандық кино­театрда мазмұны мен сапасы жоғары фильмдерді көрсету қажеттігін атап өтті.

Жиында Мемлекет басшысының «Халық үніне құлақ асатын мемлекет» тұжы­рымдамасы аясында тұрғындар тара­пынан көтерілген мәселелер назар­дан тыс қалмай, оларды іс-шаралар жос­парына енгізу және тиісті деңгейде орындау қажеттігі айтылды.

Бұл жөнінде аудан әкімі аппара­ты­ның басшысы Бауыржан Нұрғалиев баян­дама жасап, хаттамаға енгізілген тұр­ғын­дар өтініштерін тізбектеп таныс­тырды.

Аудан әкімі тұрғындар көтерген мәселелерді жеке-жеке талқылап, олар­дың уақтылы әрі сапалы орындалуы басты назарда болуы тиіс екенін ерекше атап өтті.

Жәнібек БАЗЫЛБЕК.

 

Поделиться ссылкой: