МОНУМЕНТКЕ ГҮЛ ШОҚТАРЫН ҚОЙДЫ

Ұлы Жеңіс күнін аудандық полиция бөлімі мен полиция ардагерлері ұйымшылдықпен атап өтті. Мереке күні сақшылар ішкі істер бөлімі алдындағы қызмет бабында жүріп қаза тапқандарға арналған стелла алдына келіп құрметті күзетке тұрды. Одан соң полиция ардагерлерімен бірге гүл шоқтарын қойды. Олардың арасында полиция ардагерлерінің төрағасы С.Қиялбеков, полиция ардагерлері Е.Тайбеков, А.Таштанов, Ж.Шілдебаев, Е.Тілеукеев, ауған соғысының ардагері О.Сұлтанов бар еді. Айшықты күні жеке бөлім алдында отставкадағы майор Есен Бекенов пен бөлім бастығы, полиция подполковнигі Досмырза Алашбаев сөйлеп, жиналғандарды Жеңіс күнімен құттықтады.

Одан соң олар сол жұбын жазбай орталық алаңға келіп, Ұлы Отан соғысында қаза тапқан жерлестер монументіне гүл шоқтарын қойды.

С.ҚОЖЕКЕ.

Поделиться ссылкой: