Омарташыларға арналды

Жуырда Кәсіпкерлер Палатасы Т.Рысқұлов аудандық филиалының ұйымдастыруымен «Омарта шаруа­шылығы өнімдерін экспорттау ере­же­лері мен талаптары» тақырыбында се­минар өтті. Аудандағы жеке қосалқы шаруа­шылықтары мен омарталары­ның өкілдері қатысқан семинарда Жамбыл облысының ірі ара өсірушісі Валерий Романенко дәріс оқыды.
Семинарға қатысушылар көптеген өзекті сұрақтар қойды. Олардың ішіндегі ең басты сұрақ өнімнің экспорты мен өткізілуіне қатысты болды. Романенко Валерий экспортқа рұқсатты қалай алуға болатынын, ол үшін қандай құқық белгілеуші құжаттар талап етілетінін, осы рәсімді неден бастау керектігін, жеткізу кезінде қандай өнім көлемін сақтау қажеттігін түсіндіріп берді. Сонымен қатар, Кәсіпкерлер Пала­тасы аудандық филиалының директоры Қайрат Өскенбаев кәсіпкерлерге қан­дай да бір сұрақтар туындаған жағдайда аудандық кәсіпкерлер палатасына келіп, мән-жайды білуге болатынын жеткізді.

«Құлан таңы» ақпарат.

Поделиться ссылкой: