Өртенген үйін жөндеуге көмек беруде

320 Views

«Nur Otan» партиясы Т.Рыс­құлов аудандық филиалының қоғамдық қабылдауына Ка­менка ауылының тұрғыны Гүлназ Базарбайқызы Сарқұлова қайырылды. Биыл қаңтар айында Гүлназ Базарбайқызының үйінен электр сымының тұйықталуынан өрт шыққан болатын. Соның салдарынан қыс мезгілінде үйсіз қалуына байланысты асыраушысынан айырылған, үш баланың анасы Гүлназ Базарбайқызының үйін жөндеп беру үшін «Nur Otan» партиясының жергілікті филиалы тарапынан көмек көрсетілді.
«Бақытты отбасы» партиялық жобасы аясында аудандық мәслихаттың депутаты М.Мейманхановтың ұйымдастыруымен Бауыржан Момышұлы атындағы орта мектеп ұжымы және аудандық білім бөлімінің кәсіподақ комитеті жөндеуге қажетті құрылыс материалдарын алып беріп, жөндеу жұмыстарына қолғабыс етуде.

Поделиться ссылкой: