Мәртебесі биік мемлекеттік тіл

246 Views

Мемлекет басшысы Қасым-Жомарт Тоқаевтың Қазақстан халқына арнаған Жолдауының VІІ тарауы «Ұлттың ұйысуы – одан әрі дамудың басты фак­торы» деп аталыпты. Осы тарауда мына­дай жолдар бар: «Ата заң бойынша Қазақ­станда бір ғана мемлекеттік тіл бар. Бұл – қазақ тілі» деп атап көр­се­тіл­ген.
Иә, бұл заңды құбылыс, өміріміздің басты үрдісі. Президент: «Болашағын Отаны­мызбен байланыстыратын әрбір аза­мат қазақ тілін үйренуге ден қоюға тиіс. Бұны отаншылдықтың басты бел­гісі деуге болады» дейді. Қыркүйектің 5-ші жұлдызы күні №1-ші мектеп-ли­цейге аудандық мәдениет және тілдерді да­мыту бөлімінің бас маманы Сартаев Ренат Қанатұлы мен аудандық білім бөлі­мінің қазақ тілі мен әдебиеті пәні бойын­ша әдіскері Гүлмираш Қырықбаева жаңа оқу жылының басталуымен және Қазақстан халқы тілдер мере­кесіне орай осы мектепте он жеті жыл­дан бері кітапхана меңгерушісі қызметін мінсіз атқарып келе жатқан Сағынаева Этира Асанбекқызын (суретте) құттықтауға келіпті. Аралас мектеп кітапханасының қорында 4568 кітап бар болса, соның 1872-сі қазақ тіліндегі кітаптар екен. Бұл да болса дәтке қуат, тілге медеу ғой.
Кітапханашы оқушыларға жаңа оқулықтар үлестіріп беріп тұрып мемлекеттік тіліміздің мәртебесін де бір сәтке ұмытпайды. Ендеше, тіл мерекесі құтты болсын, ағайын!

Суретті түсірген С.Қожеке.
№1 мектеп-лицейі,
Құлан ауылы.

Поделиться ссылкой: