Ел амандығы – ортақ міндет

389 Views

Жаһанды жайлаған індетпен күрестің ең тиімді де дұрыс жолы – оған қарсы жаппай екпе сал­дыру, ұжымдық иммунитетті қалып­­тастыру. Бұл – әлем мойын­да­ған шешім. Оны Мемлекет басшы­сы Қасым-Жомарт Тоқаев өз Жолдауында да ай­тып өтті. Ұжымдық иммунитет қалып­тас­тыр­май, аурудың таралуын тоқтату мүмкін емес. Медицина мамандары осылай деп отыр. Тек екпе салдыру арқылы ғана біз қалыпты өмірдің қай­тып келуіне мүмкіндік тудырамыз.
Екпе егу – ұжымдық иммунитет қалыптастырудың жалғыз тиімді жолы. Бүгінде вакцина «COVID-19» инфекциясын жұқтырмаудың бірден-бір жолы екенін аудан тұрғындары жіті түсінгендей. Осы орайда, ауданымызда коронавирусқа қарсы екпе салдыру шарасы қарқынды жалғасуда.
Т.Рысқұлов ауданының тұрғын­дарының саны 63 254-ті құраса, соның 30 223-і екпе алуға жататын тұрғындар. 2021 жылдың ақпан айынан бастап, 20 қыркүйек аралы­ғында аудан­ға барлығы 27 120 доза вакцина жеткізілген. Оның ішінде І компо­нентпен 27 120 салынған. Бұл мақ­сатты топтың 89,7 пайызын құрайды. Ал ІІ компонентпен 21 732 адам, яғни мақсатты топтың 71,9 пайызы салдырған.
Өз саулығы арқылы өзгенің аман­­­дығын ойлаған аймақ тұрғын­дары­ның да саны да күннен-күнге көбею­де. Жұқпалы дертке қарсы вак­цина қабылдауда медицина қыз­меткерлерінің үлесі жоғары. Бүгінде аудандағы медицина қызметкерлерінің 100 пайызы вакцина алған. 2422 білім саласының қызметкерлері, 1463 мемлекеттік қызметкерлер екпе алған.
Сонымен қатар, екпе қабылдау үшін ауданда бригадалар жасақ­талған. Жылжымалы екпе брига­да­лары елді мекендерді аралап, вак­цина салу жұмыстарын да белсенді жалғас­тыруда.
Аудандық медицина қызмет­кер­лерінің айтуынша, міндетті вакци­нация – мәжбүрлеу емес, жауап­кершілікке шақыру. Әрбір саналы азамат өзі, туыстары мен әріптестеріне қауіп төндірмес үшін мүмкіндікті пай­даланып екпе алуы тиіс. Екпе алу – еліміздің әрбір азаматының парызы.
Аудан әкімдігінің
баспасөз қызметі.

Поделиться ссылкой: