Жүргізуші куәлігінен айырыла тұра, көлік жүргізген

Тұрар Рысқұлов аудандық сотымен ҚР ӘҚБтК-нің 612-бабы 3-бөлігі бойынша азамат М.-ға қатысты әкім­шілік іс қаралды. Сот отырысында аза­мат М. көлік құралын басқару құқығы­нан айырыла отырып, 2024 жыл­дың 6 қыркүйек күні Құлан ауылы, Жібек жолы көшесінің бойымен сағат 11.30 шамасында «Mercedes-Benz» маркалы көлік құралын басқарғаны анықталды.
Сот отырысында М.хаттамамен келісіп, кінәсін мойындайтынын және қатаң жазаламауын сұрады. Сот қаулы­сымен жүргізуші кінәлі деп танылып, 10 тәулік мерзімге әкімшілік қамау түрінде жаза қолданылды. Сот қаулысы заңды күшіне енген жоқ.

«Құлан таңы» ақпарат.

Поделиться ссылкой: