100 балаға арналған мереке

Бүлдіршіндердің күлкісі мен шат­тығына ұласқан мерекелік бұл кеш №6 мектеп-гимназиясында ұйым­дас­ты­рылды.

Дәстүрге айналған игі шара аясында ауданның әр аймағынан іріктелген 100 бала Жаңа жылдық думанға қатысты. Мерекелік басқосуға аудан әкімі Ернар Есіркепов те келіп, жас қонақтарды құттықтап, олардың жүрегіне қуаныш ұялатар жылы лебізін арнады.

Кештің сәнін кіргізген сәттердің бірі – А.Тоқпанов атындағы Жамбыл облыс­тық академиялық қазақ драма театры әртістерінің жаңа жылдық қойылымы болды. «Жыл патшалығының құпиясы» атты ертегі сахналанып бүлдіршіндерге ұмытылмас көңіл күй сыйлап, мерекенің ажарын аша түсті. Шара соңында бүлдір­шін­дерге сыйлықтар үлестірілді.

 «Құлан медиа» ақпарат.

Поделиться ссылкой: