Отбасылық сот

221 Views

«Отбасылық сот» пилоттық жоба­сының енгізілуіне еліміздегі неке бұ­зу­ санының көбеюі, отбасы құндылығының төмендеуі негіз болып отыр. Пилоттық жобаның мақсаты – отбасылық дауларды азайту, отбасын сақтап қалу, оның мүшелерінің құ­қықтарын қорғау және кәмелетке тол­маған балалардың толық отбасында тәрбиеленуі болып табылады.
Қазіргі таңда бұл пилоттық жобаға арнайы тағайындалған татуластыру­шы судьялар, сотқа арызданған тарап­тар қатысуда. Жоба аясында некесін бұзуға бел буған отбасылармен аудан әкімшілігі жанынан құрылған арнайы топ жұмыс жасайды. Бұл топқа маман­дар (психолог, әлеуметтік мәселелер­мен айналысатын мемлекеттік меке­ме­лердің өкілдері және т.б.) кіреді.
Қазақстан Республикасының Азаматтық процестік кодексіне енгі­зілген соңғы өзгерістерге сәйкес, судья отбасылық қарым-қатынастар­дан туындайтын даулар бойынша тұр­ғындардың талап қою арыздарын өндірісіне қабылдамастан бұрын 10 жұмыс күні ішінде тараптармен жұмыс жасап, іс бойынша түпкілікті процессуалдық шешім қабылдағанға дейін татуластыру рәсімдерін жүргізеді.
Тараптар татуласу рәсімдеріне қатысуға келісіп, шақыруды қабыл­даған жағдайда, татуластыру рәсімін жүргізуші судья психологпен және билер кеңесінің мүшелерімен бірлесіп, ерлі-зайыптылардың арасында орын алған жанжалды шешуге бағытталған жұмыстар жүргізеді.
Отбасы – ынтымақ пен берекенің алтын қазығы. Отбасын сақтау үшін барлық мүмкіндіктерді пайдаланған жөн.

Поделиться ссылкой: