Тұрар Рысқұлов аудандық соты тарапынан 2022 жылдың 6 айында атқарылған жұмыстар қорытындыланды

Тұрар Рысқұлов аудандық сотының төрағасы міндетін атқарушы Серік Тұрысбекұлы Өзбеков 2022 жылдың 6 айында сот төрелігін жүзеге асыру қорытындысы бойынша «Құлан таңы» аудандық газетінің тілшісі Ф.Есімқұловтың қатысуымен баспасөз конференциясын өткізді.
Сот төрағасының міндетін атқарушы конференция барысында сотпен атқарыл­ған жұмыстар туралы және қаралған істер мен материал­­дар бойынша статистикалық деректер келтіріп өтті.
2022 жылдың 6 айында үкім шығару арқылы 29 тұлғаға қатысты 26 қылмыстық іс қаралған. Есепті кезеңде 256 тұлғаға қатысты 256 әкімшілік іс қаралып, 211 іс бойынша әкімшілік жаза тағайындалған, 45 іс қысқартылған, оның ішінде, 22-сі тараптардың медиация тәртібімен татуласуы арқылы қысқартылған.
Сондай-ақ, 2022 жылдың 6 айында 336 азамат­тық іс қаралып, оның ішінде, 186 іс бойынша шешім, 53 іс бойынша сот бұйрығы шығарылып, 41 азаматтық іс қараусыз қалдырылған. 46 азаматтық іс қысқартылған, оның ішінде, медиация тәртібі­мен 42 азаматтық іс, 3 азаматтық іс бітімгершілік тәртібімен қысқартылған, соттылығы бойынша 5 азаматтық іс жолданған.
Бұқаралық ақпарат құралдарында 23 мақала жарияла­нып, 6 «Дөңгелек үстел», 12 семинарлық сабақ және 2 баспасөз конференциясы өткізілген.
Соңында төраға м.а. С.Өзбеков тілшінің сот жүйесіне қатысты барлық сұрақтарына жауап берді.

«Құлан таңы» ақпарат.

Поделиться ссылкой: