Ерекше форматтағы ертеңгілік
381 Views
Балалар жылына орай жуырда Қарақат ауылдық кітапханасының ұйымдастыруымен «Бақытты балалық шақ» атты «Бауырсақ» халық ертегісінен ертеңгілік қойылым өткізілді. Іс-шараға кітапхананың жас оқырмандары мен ауыл тұрғындары қатысты. Ертеңгілік барысында оқырмандар ертегі кейіпкерлерін сомдап, жерлес ақындарымыздың жыр шумақтарын нақышына келтіре оқыды. Сондай-ақ, түрлі тақырыптағы кітаптармен қамтылған «Балдырғандарға кітап әлемі» атты көрме версинажға шолу жасалынып, халық ертегілерінің сюжеттері мен кейіпкерлерімен байланысты «Ойна, сана, шеш», «Жалғастыр» атты ойындар ойнатылды. Логикалық сұрақтар қойылып, қатысушылар құмарлықпен сұрақтарға жауап берді. Соңынан балаларға «Ертегі әлемімен бірге өсеміз» атты флешмоб биі ұнап, белсенді оқырмандар флешмобқа қатысып, қызығушылық танытты. Айта кетейік, бұл іс-шараны өткізудегі басты мақсат– оқырмандарды жаңа және қызықты кітаптармен таныстырып қана қоймай, есте сақтау, назар аудару, зейінділік, логикалық ойлау икемділіктерін дамыту, балаларды кітапханаға тарту, кітап оқуға деген қызығушылықтарын арттыру, ертегіні сахналау арқылы жақсы мен жаманды ажырату, балалар арасындағы достықты арттыру, бір-біріне көмектесе білу, ертегілерге деген сүйіспеншілігін арттыру. Балалар жылына арналған іс-шара эстафетасы Жақсылық ауылдық кітапханасына табысталды.
«Құлан таңы» ақпарат.