Ілтипат

Ақбота Әлімбердіқызы басқара­тын «Балдырған» бөбекжайында білімді де білікті мамандар жұмыс істейді. Жақында аталмыш бөбекжайдағы «Көгершін» мектепалды даярлық тобы балаларының қатысуымен 22 қыркүйек – Қазақстан Республикасының тілдер күні мерекесіне орай «Тілден асқан байлық жоқ» деген тақырыпта ер­тең­гілік өтті. Шараның мақсаты – балалардың Ана тіліне деген құрмет сезімін арттырып, оларды туған халқының тілін қастерлейтін саналы да парасатты азамат пен азаматша етіп тәрбиелеу.
Жоғарыда айтып өткенімдей, «Балдырған» бөбекжайында еңбек ететін әрбір қызметкер өз ісін жақсы біледі. Оны неліктен айтып отырмын? Себебі біз оны күнделікті өмірде көзбен көріп жүрміз. Балалар да таңер­тең бөбекжайға өздері барғысы келіп тұрады. Тілдер мерекесіне орай ұйымдастырылған ертеңгілікте «Көгершін» тобындағы әрбір бүлдір­шін жан-жақты қырларынан таныл­ды. Өздерін еркін ұстады. Бұл тұрғыда Инна Аманжолқызы мен Зейнеп Қадірұзаққызы секілді бөбекжайда қызмет ететін мамандардың еңбегі зор деп білемін. Музыка жетекшісі Гүлмира Қашыпқызының да еңбегі ерен. Ол да осы бөбекжайдағы өзіндік беделге ие қызметкердің бірі. «Театр табалдырықтан басталады» демекші, мектеп те балабақшадан басталатыны ақиқат. Сондықтан Ұстаздар күні қар­саңында Ақбота Әлімбердіқызы басқаратын «Балдырған» бөбекжай бақшасының ұжымын даталы мере­келерімен шын жүректен құттық­тағым келеді. Сіздерге толағай табыс­тар мен зор денсаулық тілеймін. Жетіс­тік­теріңіз көп болсын. Ең бастысы, еліміз аман, жұртымыз тыныш болсын. Болашақта елдің тұтқасын ұстайтын бүлдіршіндеріміз аман болсын!

Ізгі ниетпен:
Баян Орынбекқызы,
«Көгершін» тобының ата-анасы.

Поделиться ссылкой: