Жүректің сөзі – өлең

531 Views

Т.Рысқұлов аудандық кітапханасының ұжымы поэзия жаттау және оқуды насихаттау мақсатында 15-45 жас аралығындағы оқырмандарды «Жүректің сөзі – өлең» атты шығармашылық ортаға қатысуға шақырады. Біздің мақсатымыз – жастарды көркем әдебиет оқуға баулу және қазақ, әлем ақын-жазушыларының шығармаларын оқырмандар арасында насихаттау. Заман талабына сай әлеуметтік желі мен кітапханаларда әдеби, мәдени орта құрып, қазақ руханиятын көтеру. Біз поэзияға қызығатын әрбір оқырманды кітапханамызда күтеміз. Ал, қатысушылар алдын-ала өз авторлық өлеңдерімен өзге де автордың поэзиясын оқитын болса, тақырыптарын айтып ұйымдастырушыларға жолдауын сұранамыз. Біз бұл ортаға жаңа оқырмандарды да асыға күтеміз және қуана қарсы аламыз. «Жүректің сөзі – өлең» атты шығармашылық ортаға қосылып, Т.Рысқұлов аудандық кітапханасындағы мәңгі есте қаларлық кештің қатысушысы болыңыз! Кеш еркін форматта өтеді.

Құлан ауылы, Жібек жолы №84,  Т.Рысқұлов аудандық кітапханасы, «Коворкинг» орталығы.

Поделиться ссылкой: