Беркімбаев Нұрлан Бекмұратұлы

Тұрар Рысқұлов аудандық мәслихат депутаттығына кандидаттар

ӨМІРБАЯНЫ
Беркімбаев Нұрлан Бекмұратұлы 1988 жылдың 27 қарашасында дүниеге келген. Қазақстан Республикасының азаматы. Ұлты – қазақ.
Нұрлан Бекмұратұлы 2004 жылы Шучинск қаласындағы Шоқан Уәлиханов атындағы кадет корпусына оқуға түсіп, аталмыш оқу орнын 2007 жылы бітірген. 2007-2013 жылдар аралығында әскери қызметте болып, өз міндетін жоғары деңгейде атқарған. 2013 жылы Тараз инновациялық-гуманитарлық университетіне оқуға түсіп, аталмыш білім ордасын «Құқықтану» мамандығы бойынша сәтті аяқтаған.
Қазіргі таңда жеке кәсіпкерлікпен айналысады.
Сайлауалды бағдарламасы
Құрметті сайлаушылар! Мен қасиетті де киелі мекен Т.Рысқұлов ауданының азаматымын. Туған жерімнің тарихы, халқымның тұрмыс-тіршілігінде жақсы білемін. Т.Рысқұлов аудандық мәслихатының VII шақырылым депутаты ретінде де ауданымыздағы әлеуметтік нысандардың бой көтерілуіне (Жаңатұрмыс, Жақсылық ауылдарындағы дәрігерлік амбулатория), білім беру мекемелеріне күрделі жөндеу жұмыстарының жүргізілуіне (Ы.Алтынсарин, № 2 шағын орталықты орта мектеп, Құлан мектеп-гимназиясы) өз тарапымнан ықпал еттім. Қабылдауыма келген әрбір тұрғынның мәселесін зерделеп, оң шешімін табуға ықпал жасадым. Бүкіл әлемге зардабын тигізген індет кезінде жеке қаражатымнан 1 млн. 500 мың теңге бөліп, аудандық аурухана қорына сапалы әрі көп кездесе бермейтін дәрі-дәрмек алуға демеушілік жасадым.
Өзім кәсіпкер болғандықтан, аудан тұрғындарына жайлы жағдай жасау үшін орталықтан «Sulpak» электр тауарлары және «Вкусная корзинка» дүкенінің ашылуына барынша қолдау көрсеттім.
Менің басты мақсатым – осы күнге дейін жинаған білімім мен тәжірибемді аудан тұрғындарының тұрмыс-тіршілігін көтеруге арнап, оны өз іс-әрекеттеріммен дәлелдеп, халқымның үдесінен шығу. Өз сайлаушыларымның сеніміне ие болып, қолдау тауып жатсам, мынадай өзекті мәселелердің оң шешім табуына бар күш-жігерімді жұмсайтын боламын.
1. Дене шынықтыру және спорт, мәдени мұра мен шығармашылық белсенділіктерін насихаттау және дамыту үшін балалар мен жастардың бос уақытын өткізуге қолайлы жағдай жасау.
2. Құлан ауылы, И.Панфилов көшесіндегі көпқабатты үйлердің шатырын ауыстыруға ықпал ету.
3. Құлан ауылының инфрақұрылымының дамуы бойынша жұмыстар жүргізу.
4. «Арай» тұрғын үй алқабындағы көпқабатты үйлердің уақтылы тұрғындарға берілуіне, 300 орындық мектеп құрылысының сапалы аяқталуына ықпал ету.
5. Қ.Сұлтанбеков орта мектебіне күрделі жөндеу жұмыстарының жүргізілуіне ықпал ету.
6. Шағын орта және кәсіпкерліктің қарқынды дамуына қол жеткізу. Мемлекеттік бағдарламалар арқылы жеңілдетілген несие, қайтарымсыз гранттардың мақсатты жұмсалуына ықпал ету.
7. NEET cанатындағы, сондай-ақ, жұмыссыз жастардың маусымдық және тұрақты жұмыстарға орналасуына ықпал ету.
8. Сел қаупі бар Жақсылық ауылында су ағатын арықтарды (лоток) жүргізуге ықпал ету.
Құрметті сайлаушылар! Сіздерден біздің еліміздің, ауданымыздың болашағына немқұрайлы қарамауларыңызды сұраймын. Сіз өз атыңыздан дауыс бере отырып, жарқын болашақ үшін жағдай жасайтындарыңызды есте сақтаңыздар.

Республикалық бюджеттен сайлауға бөлінген қаражат есебінен төленді.

Поделиться ссылкой: