Абайлаңыз, балалар!
251 Views
Жыл басынан бері облыс аумағында балалардың қатысуымен орын алған 77 жол көлік оқиғасы тіркеліп, 11 бала қаза тауып, 92 бала жараланды. Балалардың ең көп қаза болуы Жамбыл (5), Меркі (3), Қордай және Т.Рысқұлов (1-ден) аудандарында, Тараз (1) қаласында тіркелген.
Осыған байланысты ІІМ-нің 2023 жылға арналған операциялық жоспарын орындау, жазғы демалыстың басталуы қарсаңында балалардың жол-көлік жарақаттануының алдын алу, сондай-ақ, балалардың көшелер мен жолдардағы қауіпсіз мінез-құлыққа байланысты дағдыларын бекіту мақсатында 15-31 мамыр аралығында Тұрар Рысқұлов ауданы аумағында «Абайлаңыз, балалар!» республикалық кең ауқымды жедел профилактикалық іс-шарасы өткізілуде.
Іс-шараның мақсаты – кәмелетке толмағандардың қатысуымен және олардың кінәсінен болатын жол көлік оқиғаларының алдын алу, жалпы білім беретін мектептердің оқушылары мен олардың ата-аналары арасында тиісті түсіндіру жұмыстарын жүргізу, балаларды тасымалдау кезінде автокөлік құралдарын техникалық пайдалану қағидаларының талаптарына сәйкес тексеру, жалпы білім беретін мектептерде жол қауіпсіздігі мәселелері бойынша сабақтар, дәрістер, ата-аналар жиналыстарын өткізу, сонымен қатар алдағы жазғы демалыс кезеңінде жағдайды тұрақтандыру үшін барлық мүмкін ресурстарды пайдаланып, балалардың жолдағы қауіпсіз мінез-құлқын насихаттайтын әлеуметтік роликтерді шығару, қоғамдық тәртіпті сақтау, сондай-ақ, жол жүрісі қағидаларын бұзудың алдын алу және анықтау, жолын кесу.
Құрметті аудан тұрғындары!
Сіздерді жол ережелерін қатаң сақтауға шақырамыз.
Аудандық полиция бөлімі.