Өрт – тілсіз жау
192 Views
Әрбір ауыл тұрғыны жаз бойы маңдай терін төгіп, бірталай қаражат жұмсап, мая-мая шөп жинайды. Ал, сол шөп төрт түліктің емес, өрттің алып құшағына еніп, жоқ болса, қандай күй кешер едіңіз?
Өкінішке орай, ауданымызда жиналған шөптің өртеніп кету оқиғалары алаңдатарлық жағдай туғызып отыр. Бүгінгі күні мұндай оқиғалар жетерлік. Ауласында жиналған шөптің өртенуінің салдарынан тұрғындар айтарлықтай шығын шегуде.
Тілсіз жау ешқашан айтып келмейді. Сондықтан одан әрқашанда сақтанып, алдын алу жұмыстарын жүргізіп отыру керек.
Шөпті дайындау және жинау техникаларын ұшқын сөндіргішпен, алғашқы өрт сөндіру құралдармен жабдықталған техникамен қамтамасыз ету керек. Шөпті жинау аймағы жаңғыш қоқыстан тазартылған, өрт қауіпсіздігіне арналған жер аудару жолағы жасалу қажет. Шөп жинау орындары электр желілерінен 15 метр қашықтықта орналасуы қажет және жолдарға дейінгі қашықтық 20 метрден кем болмауы керек. Шөпті көлікпен тасу кезінде жинау биіктігі 4,5 метрден аспауы қажет. Өрт астық жинау және шөп жинау науқаны кезінде тракторларға және жүк машиналарына жанар-жағармайды құюда белгіленген ережелерді бұзу кезінде орын алуы мүмкін. Төгіліп қалған май, бензин, керосин және жеңіл тұтанатын сұйықтар үлкен қауіп тудырады. Дала шөбін жинау кезінде өрт қауіпсіздік ережелерін сақтап, өрттен абай болыңыздар. Өрт оқиғасы орын ала қалған жағдайда тез арада 101 нөміріне хабарласыңыздар.
Т.Рысқұлов ауданы Төтенше жағдайлар бөлімі аудан тұрғындарын тұрмыстағы өрт қауіпсіздігін сақтауға баса назар аудару керектігі туралы ескертеді. Осылайша өз өмірлеріңіз бен мүліктеріңізді сақтап қала аласыздар.
Аудандық Төтенше
жағдайлар бөлімі.