Білімді жетілдіру – заман талабы

68 Views

Тамыз айының екінші онкүндігінен бастап ауданымыздың педагогтеріне арналған «Жаһандық құзыреттіліктер» біліктілігін арттыру курсы өтіп жатыр. Білім беру ұйымдарындағы мұғ­алімдердің пәнаралық және әдістемелік құзыреттерін жетілдіруді мақсат еткен «Жаһандық құзыреттіліктер» курсының міндеттері де ауқымды.
Курсты оқытудың ұйым­дас­тыру­шылық, мазмұндық және әдістемелік негіздері туралы білімді өзектендірумен қатар, білім алушылардың ұжымдық, шығармашылық және өзіндік жұмыс­тарын жүзеге асыру үшін білім беру ортасын жобалау дағдыларын дамыту, сондай-ақ, оқушының күнделікті өмі­рінің құрамдас бөлігі ретінде тиімді өзара және бірлескен әрекеттесу, қарым-қатынас, ынтымақтастық, сыни және шығармашылық ойлау, өзін-өзі бағалау және өзін-өзі басқару дағдылары қалып­тастыруды міндеттеген курс тыңдау­шылар үшін қажеттілік еді. Өткен оқу жылынан бастап мектеп бағдар­ламасына енген бұл курсты жүргізудің тың әдіс-тәсілдерін, мақсат-міндеттерін тереңірек меңгеру – заман талабы. Осыған орай «Өрлеу» БАҰО» АҚ филиалы Жамбыл облысы бойынша Кәсіби даму институтының тренері Есмырзаева Аманкүл Орынбайқызының жетекшілігімен аудан мектептерінің 30 мұғалімі зерттеу дағдыларын дамы­ту үшін белсенді оқыту әдістері мен тәсіл­дерін жетілдіру, мәселелерді талдау және бағалауды меңгерді. Сабақ барысында рөлдік ойын, топтық жұмыс, сызбаларды, карталарды құру, постер құру,жобалық жұмыс, конкурстар, жарнамалар, ситуациялық есептерді шешу, зерттеу тұрғысында білімдерін жетілдірді.
Біліктілікті арттыру курсы 80 акаде­миялық сағат ұзақтығымен күндізгі оқыту түрінде ұйымдастырылды. Ин­терак­тивті лекция, семинар, вебинар, практикалық жұмыс, ситуациялық тапсырмаларды талдау және орындау, оқу және қосымша әдебиеттермен жұ­мыс, презентация форматындағы курста тыңдаушылардың өзіндік жұмы­сына көбірек уақыт беріліп, көңіл бөлінді. Қатысушылар шығармашылық еркіндікте өз ойларын білдіріп, жобалар қорғады. Практикалық дәріс кезінде ұлт зиялылары А.Байтұрсынов, Қ.Сәтбаев, Б.Момышұлы жөнінде ойтолғаулар айтылып, олар туралы тың деректермен бөлістік.
Курс аясында «Жаһандық құзы­реттіліктер» факультативтік курсының үлгілік оқу бағдарламасының базалық мазмұнымен танысып, шығармашылық бастамалар, волонтерлік қозғалысы, стартаптар, жобалар, акциялар бойынша ғылыми-зерттеу және тәжірибелік жұ­мыс­тарды әзірледі.

Мадина Дастанова,
Қаныш Сәтбаев атындағы орта мектептің мұғалімі.

Поделиться ссылкой: