Құмарық ауылдық округі әкімі лауазымына үміткер Б.Ш. Мансурдың өмірбаяны мен сайлауалды бағдарламасы

49 Views

Өмірбаяны
Мансур Болат Шәкіртұлы 1977 жылы 28 мамырда Алматы қаласында дүниеге келген. 1984-1994 жылдар аралығындаТұрар Рысқұлов ауданы, Луговой ауылындағы Тұрар Рысқұлов атындағы орта мектебін бітірген.
1995-2000 жылдар аралығында М.Х.Дулати атындағы Тараз мем­лекеттік университетінің «Жол қозға­лысын ұйымдастыру» мамандығын бітіріп, 2001-2003 жылдары «Тараз институты» физика және инфарматика пәндері мұғалімі бойынша жоғары білім алады.
2001-2019 жылдар аралығында Құмарық ауылындағы Болтай батыр атындағы орта мектебінде информатика пәнінің мұғалімі болды, 2019 жылдан бері Құмарық ауылдық округі әкімі қызметін атқарып келеді.
Отбасылы, 3 қыз, 2 ұл тәрбиелеу­де.
Сайлауалды бағдарламасы
Мен, Болат Шәкіртұлы Мансур Құмарық ауылдық округі әкімінің лауазымына өткен жағдайда, осы кезеңге дейінгі алған білімімді және өмірден жинақтаған іс-тәжірибемді округ тұрғындарының әл-ауқатын, тұрмыс-тіршілігін жақсарту үшін және шаруашылық құрылымдарының экономикалық нығаюына жұмсаймын.
Ауылдық округтің әлеуметтік эко­но­микалық және көкейтесті мә­се­ле­лерін шешу мақсатында аз қам­тылған отбасыларды әлеуметтік қол­дау, жұмыссыздық деңгейін азай­ту, тұрғындардың күнделікті тұр­мыстық жағдайларын жақсарту, сәт­сіз отбасыларының болмауын, ауыл ша­руашылық құрылымдарының са­нын көбейту бағытында жұмыстар ат­қарамын.
Шағын және орта бизнестің да­муына, шаруа қожалықтарының толық­қанды жұмыс істеуіне, оларға субсидия және несиеге қол жеткізу жөнінде түсіндіру жұмыстарын жүргіземін. Ауылдың қабілетті жастарына қолдау көрсете отырып, қоғамдық-саяси өмірге белсенді араласуына жағдай жасап, мәдени шараларды уақтылы, ұлттық салт-дәстүрге сай, жаңа технологиялық үрдісте өтілуін жүйелі жоспарға енгіземін.
Округ әкімі болып сайлансам, осы жұмыстарды атқаруға және Президентіміз Қ.К.Тоқаевтың саясатын жергілікті жерде іске асыруға, ауыл тұрғындарының мұң-мұқтаждарын қорғап, сіздердің үлкен сенімдеріңізге ие бола отырып, бар күш-жігерімді саламын.
Егерде мен Құмарық ауылдық округінің әкімі лауазымына сайланатын болсам, төмендегі нақты жұмыстарды атқаруға ықпал ететін боламын:
• Алғабас ауылына балалар ойын алаңының соғылуына ықпал жасаймын;
• Алғабас ауылының Ұлы Отан соғысы ардагерлерінің ескерткіштерін абаттандыру жұмыстары жүргізілуіне ықпал ететін боламын;
• Қаракемер ауылына жаңа кіші футбол алаңын жасауға;
• Округта денешынықтыру-сауық­тыру кешенінің салынуына;
• 2024 — 2027 жылдар аралығында ауылдардың ішкі жолдарын күрделі жөндеуден өткізуге;
• Ауыл шаруашылық құры­лым­дарының санын көбейту мақсатында халықпен бірлесіп жұмыстар жүргізуге;
• Халықтың спорттық инфра­құрылыммен қамтамасыз етілуіне;
• Ауылдағы жастарды жұмыспен қамту және қамтамасыз ету, олардың шығармашылық өзін-өзі жүзеге асыруы және оның әлеуетін дамыту үшін қолдау көрсетуге;
• Құмарық ауылдық округінің жол және көлік инфрақұрылымын, тұрғын үй-коммуналдық саласын жаңғыртуға, сондай-ақ, қолайлы экологиялық жағ­дайды сақтауға бағытталған «Ауыл –ел бесігі» жобасы аясында іске асыруға БАР КҮШІМДІ САЛАМЫН.

Поделиться ссылкой: