Қасиетіңнен нәр аламын ҚҰЛАНЫМ!

45 Views

Қасиетіңнен айналайын Құланым,
Жылы жүзбен саған мойын бұрамын.
Қонағыңды отырғызып төріңе,
Ақ пейілмен қарсы алу ғой ұраның.

Тұрар ата есіміне сай атың,
Кімге болса құшағын кең жаятын.
Киелісің, жерің байтақ ұлысың,
Өнер,білім бәріне де бай атың.

Жібек жолын басып барам төріңе,
Шоқтай болып басыласың көзіме.
Небір асыл, тұлғалар сенде өскен ғой,
Қолтаңбасын басып кеткен кезінде.

Асқақтай бер, өніп-өсіп көркейіп,
Тарихыңды аңыз қылып шертейік.
Саяңда сенің кеңге салып арқаны,
Қасымызға саналы ұрпақ ертейік.

Сазгер де бар, әнші де бар жезтаңдай,
Жыршы да бар, ақындар бар ақ маңдай.
Күйші де бар, биші де бар осында,
Тамсандырған жер әлемді кең маңдай.

Қонағыңа айқара ашық есігің,
Бос қалмасын тербетілсін бесігің.
Ұрпақтардан ұрпақтарға жалғасып,
Мәңгі өшпесін Тұрар атты есімің.

Досжан Оспаналиев,
Қайыңды ауылдық мәдениет үйінің қызметкері.

Қуатты өңірлер – ел дамуының драйвері

Қазақстан Республикасы Үкіметінің қаулысымен бекітілген жалпыұлттық жобасын іске асыру аясында қо­ныс аударушылар мен қандастар қата­ры­нан жұмыс күшінің ұтқырлығын арт­тыру мақсатында азаматтардың ерік­ті түрде қоныс аударуына ықпал жа­сау үшін халық арасында кеңінен тү­сіндіру жұмыстары жүргізіліп, аудан тұр­ғындарын ынталандыру үшін «Инстаграм» парақшамызда жергілікті ақпа­раттық жүйеге хабарламалар жария­ланды. Ағымдағы жылы «Мансап» орталығының ұйымдастыруымен 4 жәрмеңке өткізілді. Нәтижесінде аудан­нан жұмыс күші тапшы өңірлерге 17 отбасы, 55 адам қоныс аударды. Оның ішінде: Павлодар облысына – 2 отбасы 5 адам, Қостанай облысына – 12 отбасы 43 адам, СҚО – 2 отбасы 2 адам, Абай облысына – 1 отбасы 5 адам қоныс ау­дарды.

Д.Балпанов,
аудандық «Мансап» орталығының бөлім басшысы.

 

Поделиться ссылкой: