Мұз үстіндегі жүріс-тұрыс қағидалары және қауіпсіздік шаралары

– Тәуліктің қараңғы уақытында, көруге мүмкіншілік нашар кезде (тұман, қар және алкогольдік мастану күйінде мұзға шығуға болмайды.
– Мұздың беріктігін аяқтың соққы­сы­мен тексеруге болмайды.
– Өзен арқылы өту кезінде жаб­дық­тал­ған мұз өткелдерін пайдалану керек.
– Су қоймасын топпен өту кезінде бір-бірінен арақашықтықты (5-6 м.) сақ­тау қажет.
– Қатып қалған өзенді (көлді) шаңғы­мен өткен жөн, қажет болған жағ­дайда оларды тез шешу үшін шаң­ғылардың бекітпелерін ағыту керек. Шаң­ғы таяқшаларын қолдың білезік буы­нына ілмекті ілмей ұстап, қауіп төн­ген жағдайда оларды бірден тастау ке­рек.
– Мұзда балық аулау кезінде бір-бірі­нен 5-6 метр қашықтықта шұңқыр жа­сауға болмайды. Қайғылы жағдайдың ал­дын алу үшін балықшының құтқару кеу­дешесі немесе төс кеудешесі, сондай-ақ, ұзындығы 15-20 метр, бір ұшында ілмегі бар және екіншісінде 400-500 грамм жүгі бар арқан болуы тиіс. Жүк арқанды суға құлап кеткен жолаушыға лақтыруға көмектеседі.
– Жұқа, шытынаған мұз бетінде қалсаңыз, абайлап кері бұрылып, сырғымалы қадамдармен жүріп өткен жолыңызбен жағаға қайта оралу керек.
– Мұздай суға түскен адам 10-15 минуттан кейін қатты тоңып қалуы, ал 20 минуттан кейін есін жоғалтуы мүмкін екенін білу қажет.
Мұздың беріктігін көзбен анықтауға болады:
– көк түсті мұз – берік;
– ақ түсті – беріктігі 2 есе аз;
– сұр және күңгірт – ақ немесе сарғыш түсті мұз сенімді емес.
ЕСІҢІЗДЕ САҚТАҢЫЗ!
Қыс мезгілінде су айдындарында, мұз үстіндегі өзін-өзі ұстау ережелерін сақтамау қайғылы оқиғаларға алып келеді!

Аудандық Төтенше жағдайлар және №10 өрт сөндіру бөлімі.

Поделиться ссылкой: